ସ୍ମୃତି ରେଖାଙ୍କ ଶକ୍ତି ପ୍ରଦର୍ଶନ

ଧର୍ମଶାଳା (ବଡ଼ ଖବର ବ୍ୟୁରୋ): ଯାଜପୁର ଜିଲାରେ ନିର୍ବାଚନ ସଭା ସମିତି ପ୍ରଚାର ପ୍ରସାର ଜୋର ଧରିଥିବା ବେଳେ ସୋମବାର ଧର୍ମଶାଳା ବିଜେପି ପକ୍ଷରୁ ୧୧ନଂ ଜୋନର ବାରକଣା ଖେଳ ପଡିଆରେ ଏକ ରାଜନୈତିକ ସଭା ଅନୁଷ୍ଠିତ ହୋଇଛି। ଧର୍ମଶାଳାରେ ଏଥର ପରିବର୍ତ୍ତନ ନିଶ୍ଚିତ ବୋଲି କହିଛନ୍ତି ଉଭୟ ଲୋକସଭା ପ୍ରାର୍ଥୀ ଓ ବିଧାନସଭା ପ୍ରାର୍ଥୀ ।

ତେବେ ଏହି ସଭାରେ ସାଂସଦ ପ୍ରାର୍ଥୀ ରବିନ୍ଦ୍ର ନାରାୟଣ ବେହେରା ଓ ବିଧାୟକ ପ୍ରାର୍ଥୀନୀ ସ୍ମୃତିରେଖା ପହି ଉପସ୍ଥିତ ସମର୍ଥକ ଓ କର୍ମୀମାନଙ୍କୁ ଧର୍ମଶାଳାରୁ କୁଃଶାସନ, ଦୁର୍ନୀତି ଗ୍ରସ୍ତ ସରକାରକୁ ହଟାଇ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ହାତ ମୁଠାକୁ ଟାଣ କରିବା ପାଇଁ ଦୁଇ ଥର ପଦ୍ମରେ ବଟମ ଦବାଇବାକୁ ଆହ୍ୱାନ ଦେଇଥିଲେ। ଖଣି, ପାଣି, ସଧାରଣ ଜନତାଙ୍କ ହକର ଲଢେ଼ଇରେ ଆପଣଙ୍କ ସମର୍ଥନ ଆବଶ୍ୟକ ବୋଲି କହିଥିଲେ।