ଭୋଟ ପାଇଁ ୧୦୮ ଦୀପ ଜାଳି ଶପଥ ପାଠ

ଚୌଦ୍ୱାର (ବଡ଼ ଖବର ବ୍ୟୁରୋ): ନିର୍ବାଚନ ପ୍ରଚାର ଶେଷ ହେବାକୁ କିଛି ଘଣ୍ଟା ଥିଲାବେଳେ ଆଜି ଆଠଗଡ ନିର୍ବାଚନମଣ୍ଡଳିର ମଙ୍ଗରାଜପୁର ପଂଚାୟତ ରେ ନିର୍ବାଚନ ଆଚରଣ ଵିଧି ନିୟମ ନୀତି ଖୁଲମଖୁଲା ଉଲଂଘନ ହେଉଥିବାର ଜଣାପଡିଛି । ଏହି ପଂଚାୟତରେ ସୁପ୍ରସିଦ୍ଧ ଡମଣୀପୀଠରେ ହଜାର ହାଜର ମହିଳା ଦୀପଜାଳି ବିଜେଡିର ରଣେନ୍ଦ୍ର ପ୍ରତାପ ସ୍ୱାଇଁଙ୍କ ସପକ୍ଷରେ ଭୋଟ ଦେବା ପାଇଁ ଶପଥ ପାଠ କରିବା ଘଟଣା ଦେଖିବାକୁ ମିଳିଛି । ଏହି ପୀଠରେ ୧୦୮ ଦୀପ ଜାଳିବା ସହିତ ମାଆଙ୍କ ନିକଟରେ ସମସ୍ତ ମହିଳା ରାଜା ସ୍ୱାଇଁଙ୍କୁ ଜିତାଇବା ପାଇଁ ଆଶୀର୍ବାଦ ଭିକ୍ଷା କରିଥିଲେ ।

ଏହି ଘଟଣା ଖୁଲମଖୁଲା ଚାଲିଥିଲା ବେଳେ ସେଠାରେ ପୁଲିସ ପ୍ରଶାସନ ଉପସ୍ଥିତ ଥିବାର ଦେଖାଯାଇଥିଲା । ଏହି ଘଟଣା ଜଣାପଡିବା ପରେ ନିର୍ବାଚନ କମିଶନ ଗାଡି ସେଠାରେ ପହଂଚି ଥିଲା । କିଛି ସମୟ ତଦନ୍ତ ପରେ ସେମାନେ ସେଠୁ ଚାଲିଯାଇଥିଲେ । ବାସ୍ତବରେ ରଣେନ୍ଦ୍ର ସ୍ୱାଇଁ ବିକାଶକୁ ପଥେଇ କରି ନିର୍ବାଚନ ନଲଢ଼ି ମାଆଙ୍କ ଆଶୀର୍ବାଦରେ ବୈତରଣୀ ପାର ପାଇଁ ଉଦ୍ୟମକୁ ବିଜେପି ନିନ୍ଦା କରିବା ସହିତ ନିର୍ବାଚନ କମିଶନଙ୍କ ପାଖରେ ଅଭିଯୋଗ କରିଥିବାର ଜଣାପଡିଛି ।