ଇଣ୍ଡିଆ ମେଣ୍ଟ ଜିତିଛି ଏବଂ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ହାରିଛନ୍ତି: କେଜ୍ରିୱାଲ
ନୂଆଦିଲ୍ଲୀ (ବଡ଼ ଖବର ବ୍ୟୁରୋ): ଆମେ ଇଣ୍ଡିଆ ମେଣ୍ଟର ଅଂଶ ଅଟୁ। ଇଣ୍ଡିଆ ମେଣ୍ଟ ଜିତିଛି ଏବଂ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ହାରିଛନ୍ତି ବୋଲି ଜେଲ୍ରୁ ଆମ ଆଦମୀ ପାର୍ଟିର ସଂଯୋଜକ ତଥା ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ କହିଛନ୍ତି । ସେ କହିଛନ୍ତି ଆମେ ଗୁରୁତ୍ୱପୂର୍ଣ୍ଣ ନୁହେଁ, ଦେଶ ଗୁରୁତ୍ୱପୂର୍ଣ୍ଣ।
ଆପଣଙ୍କୁ କହିରଖୁଛୁ ଯେ ଆମ ଆଦମୀ ପାର୍ଟି ଏବଂ କଂଗ୍ରେସ ଦିଲ୍ଲୀ, ଗୁଜରାଟ, ହରିୟାଣା, ଗୋଆ, ଆସାମ ଏବଂ ଚଣ୍ଡିଗଡ଼ରେ ମେଣ୍ଟ ଗଠନ କରିଛି। ଦିଲ୍ଲୀର ସମସ୍ତ ସାତୋଟି ଆସନରେ ବିଜେପି ଜିତିଛି। କଂଗ୍ରେସ ହରିୟାଣା ଏବଂ ଚଣ୍ଡିଗଡ଼ରେ ୬ଟି ସିଟ ପାଇଛି। ଏଥିସହ ଗୁଜରାଟରେ ଗୋଟିଏ ଆସନ ପାଇଛି। ଏହି ରାଜ୍ୟଗୁଡିକରେ ଆପ ଗୋଟିଏ ବି ସିଟ ପାଇନାହିଁ। ହେଲେ ଏହାର ଭୋଟ ପ୍ରତିଶତରେ ଉନ୍ନତି ହୋଇଛି। ପଞ୍ଜାମରେ ଆମ ଆଦମୀ ପାର୍ଟି ତିନୋଟି ସିଟ ଜିତିଛି।