ବିମାନ ବନ୍ଦର ପାଚେରୀ ଭାଙ୍ଗିବା ଘଟଣା, ଜିଲ୍ଲାପାଳଙ୍କ ହସ୍ତକ୍ଷେପ ପରେ କଂଗ୍ରେସର ଆନ୍ଦୋଳନ ସ୍ଥଗିତ ।

ମାଲକାନଗିରି (ବଡ଼ ଖବର ବ୍ୟୁରୋ): କୋଟି କୋଟି ଟଙ୍କା ଖର୍ଚ୍ଚରେ ନିର୍ମାଣ ହେଉଛି ମାଲକାନଗିରି ବିମାନ ବନ୍ଦର । ବିମାନ ବନ୍ଦର ପାଚେରୀ କାର୍ୟ୍ୟ ନିମ୍ନମାନର ବୋଲି କଂଗ୍ରେସ ପକ୍ଷରୁ ଅଭିଯୋଗ । ବାରମ୍ବାର ପାଚେରୀ ଭାଙ୍ଗିବା ଫଳରେ ଶ୍ରମିକଙ୍କ ହେଉଛି ମୃତ୍ୟୁ । ଗତବର୍ଷ ଜୁନ ୧ ରେ ପାଚେରୀ ଭାଙ୍ଗି ଦୁଇ ଜଣଙ୍କ ମୃତ୍ୟୁ ହୋଇଥିବା ବେଳେ ଚଳିତ ବର୍ଷ ଜୁନ ୮ରେ ପୁଣି ଥରେ ପାଚେରୀ ଭାଙ୍ଗିବା ଅତି ସମ୍ବେଦନଶୀଳ କଂଗ୍ରେସ କହିଛି ଏବଂ ତୁରନ୍ତ କାର୍ୟ୍ୟାନୁଷ୍ଠାନ ଦାବି କରାଯାଇଥିଲା । ଏପରି କି ଭିଜିଲାନ୍ସ ତଦନ୍ତ ଦାବି ହୋଇଛି ।୧୫ ଦିନ ମଧ୍ୟରେ ଯଦି କାର୍ୟ୍ୟାନୁଷ୍ଠାନ ନହୁଏ ତେବେ ଜିଲ୍ଲା ବନ୍ଦ ସହ ପୂର୍ତ୍ତ ବିଭାଗକୁ ତାଲା ପକାଇବ କଂଗ୍ରେସ ଚେତାବନୀ ଦିଆଯାଇଥିଲା । ଆଜି ଜିଲ୍ଲାପାଳ ୭ ଦିନ ମଧ୍ୟରେ କାର୍ୟ୍ୟାନୁଷ୍ଠାନ ହେବାର ପ୍ରତିଶ୍ରୁତି ପରେ ଆନ୍ଦୋଳନକୁ ସ୍ଥଗିତ କରିଛି କଂଗ୍ରେସ ।