ଯାନ୍ତ୍ରିକ ତ୍ରୁଟି ପାଇଁ ଅଟକିଲା ଟ୍ରେନ, ଅଢେଇ ଘଣ୍ଟା ପରେ ସ୍ୱାଭାବିକ ହେଲା ଚଳାଚଳ

ବଲାଙ୍ଗିର(ବଡ଼ ଖବର ବ୍ୟୁରୋ): ବଲାଙ୍ଗିର ସଇଁତଳାରେ ଅଟକି ରହିଲା ଇସ୍ପାତ ଟ୍ରେନ୍ । ଯାନ୍ତ୍ରିକ ତ୍ରୁଟି ଯୋଗୁ ସଇଁତଳା ରେଳ ଷ୍ଟେସନରେ ଟିଟିଲାଗଡ଼ -ହାୱାଡା ଇସ୍ପାତ ଏକ୍ସପ୍ରେସ ଅଢେଇ ଘଣ୍ଟା ଯାଏ ଅଟକି ରହିଥିଲା । ସକାଳ ୫.୪୫ ରୁ ୮ ଟା ସମୟ ଅଟକି ରହିଲା ଟ୍ରେନ୍ । ଦୀର୍ଘ ସମୟ ଧରି ଟ୍ରେନ୍ ଅଟକି ରହିବା ଯୋଗୁ ଯାତ୍ରୀ ହନ୍ତସନ୍ତ ହୋଇଥିଲେ । ବଲାଙ୍ଗିରରୁ ଏକ ନୂଆ ଇଞ୍ଜିନ୍ ଗଲା ପରେ ଇସ୍ପାତ ଏକ୍ସପ୍ରେସ ପୁଣି ସ୍ୱାଭାବିକ ଚଳାଚଳ ଆରମ୍ଭ କରିଥିଲା ।