ପଞ୍ଚମ ଦିନରେ ବି କମ୍ପିବ ବିଧାନସଭା
ଭୁବନେଶ୍ୱର (ବଡ଼ ଖବର ବ୍ୟୁରୋ): ଆଜି ବିଧାନସଭାର ଅଧିବେଶନର ପଞ୍ଚମ ଦିନ । ଗୃହ ଏବେ ସ୍ଵାଭାବିକ ହୋଇଛି । ପ୍ରଶ୍ନକାଳ ଓ ଶୂନ୍ୟକାଳ ଠିକ୍ ଠାକ୍ ଚାଲିଥିଲେ ବି ଗୃହ ସମ୍ପୂର୍ଣ୍ଣ ପୂର୍ବ ଅବସ୍ଥାକୁ ଫେରି ନାହିଁ। କାହିଁକି ନା ବିରୋଧୀଙ୍କ ପ୍ରସଙ୍ଗ ବି ବଢ଼ିଛି। ନବୀନ ପଟ୍ଟନାୟକଙ୍କୁ ଗିରଫ କଥାକୁ ବିବରଣୀରୁ ବାଦ ଦେବା ପାଇଁ ବିଜେଡି ଅଡି ବସିଥବା ବେଳେ କଂଗ୍ରେସ ପୋଲାଭରମ ପ୍ରକଳ୍ପକୁ ନେଇ ଗୃହ କମିଟି ଦାବି କରି ନିଜ ଜିଦ ଅଟଳ ରହିଛି। ଅନ୍ୟପଟେ ଆଜି ଗୃହରେ ରହିଛି ଗୁରୁତ୍ୱପୂର୍ଣ୍ଣ ବିଭାଗ ଗୁଡ଼ିକର ପ୍ରଶ୍ନ ଉତ୍ତର କାର୍ଯ୍ୟକ୍ରମ।
ଉଚ୍ଚଶିକ୍ଷା , ବିଦ୍ୟାଳୟ ଓ ଗଣଶିକ୍ଷା, ଶିଳ୍ପ, ଅନୁସୂଚିତ ଜନଜାତି ଓ ଅନୁସୂଚିତ ଜାତି ଉନ୍ନୟନ ଏବଂ ସଂଖ୍ୟାଲଘୁ ସମ୍ପ୍ରଦାୟ ଓ ପଛୁଆବର୍ଗ କଲ୍ୟାଣ, ସାମାଜିକ ସୁରକ୍ଷା ଓ ଭିନ୍ନକ୍ଷମ ସଶକ୍ତିକରଣ, ଦକ୍ଷତା ବିକାଶ ଓ ବୈଷୟିକ, କ୍ରୀଡା ଓ ଯୁବ କଲ୍ୟାଣ ବିଭାଗ ରହିଛି। ସେହିଭଳି ଗୃହର ସମ୍ମତି ଲାଭ ନିମନ୍ତେ ଅନେକ ଗୁରୁତ୍ୱପୂର୍ଣ୍ଣ କାଗଜ ଉପସ୍ଥାପନ କରିବେ ମୁଖ୍ୟମନ୍ତ୍ରୀ ମୋହନ ମାଝୀ ଏବଂ ଉପ ମୁଖ୍ୟମନ୍ତ୍ରୀ ଓ ମନ୍ତ୍ରୀ ଗଣେଶ ରାମ ଖୁଣ୍ଟିଆ ମଧ୍ୟ ଅନେକ ରିପୋର୍ଟକୁ ଗୃହର ସମ୍ମତି ଲାଭ କରିବେ ଉପସ୍ଥାପନ।