୨୦୧୯ରୁ ଛତିଶଗଡ଼ ସହଯୋଗ କରୁନି: ଆନନ୍ଦ ଚନ୍ଦ୍ର ସାହୁ

ସମ୍ବଲପୁର (ବଡ଼ ଖବର ବ୍ୟୁରୋ):  ହୀରାକୁଦ ଡ୍ୟାମ ମୁଖ୍ୟଯନ୍ତ୍ରୀଙ୍କ ସାଙ୍ଘାତିକ ଅଭିଯୋଗ । ଛତିଶଗଡ଼ ତଥ୍ୟ ଦେଉନଥିବା କହିଲେ ମୁଖ୍ୟଯନ୍ତ୍ରୀ ଆନନ୍ଦ ଚନ୍ଦ୍ର ସାହୁ । ସେ କହିଛନ୍ତି ୨୦୧୯ରୁ ପଡ଼ୋଶୀ ରାଜ୍ୟ ଛତିଶଗଡ଼ ସହଯୋଗ କରୁନି । ଉପରମୁଣ୍ଡର ସ୍ଥିତି ନେଇ କୌଣସି ତଥ୍ୟ ଦେଉନି । ଛତିଶଗଡ଼ ଡ୍ୟାମରୁ କେତେ ପାଣି ନିଷ୍କାସିତ ଓ ଗଚ୍ଛିତ ହେଉଛି କହୁନି । ସେ କହିଛନ୍ତି ବନ୍ୟାଜଳ ପରିଚାଳନା ପାଇଁ ଓଡିଶା ବୈଠକ ପାଇଁ ବାରମ୍ବାର ଡାକୁଛି । ଏଥିପାଇଁ ଚିଠି ମଧ୍ୟ ଦେଇଛି ।

କିନ୍ତୁ ପଡୋଶୀ ବୈଠକ ପାଇଁ ରାଜି ହେଉନି କି ଆବଶ୍ୟକ ତଥ୍ୟ ଜଳ ପରିଚାଳନା ପାଇଁ ଦେଉ ନାହିଁ । ସେହିପରି ଥରୁଟିଏ ବି ବୈଠକ ପାଇଁ ଡାକି ନାହିଁ ବୋଲି ଯନ୍ତ୍ରୀ କହିଛନ୍ତି । ଏବେ ଆମ ପାଖରେ ନୂଆ ଟେକ୍ନୋଲୋଜି ଅଛି, ଆଇଏମଡି ରିପୋର୍ଟକୁ ଆଧାର କରି ଜଳ ପରିଚାଳନା କରାଯାଉଛି ବୋଲି ଯନ୍ତ୍ରୀ କହିଛନ୍ତି । ସେପଟେ ଆଜି ହୀରାକୁଦର ୫ଟି ଗେଟ୍ ଦେଇ ପ୍ରଥମ ବନ୍ୟାଜଳ ଛଡାଯାଇଛି ।