ମୁମ୍ବାଇ, (ବଡ଼ ଖବର ବ୍ୟୁରୋ): ରିପବ୍ଲିକ ଟିଭିର ମୁଖ୍ୟ ସମ୍ପାଦକ ଅର୍ଣ୍ଣବ ଗୋସ୍ୱାମୀଙ୍କୁ ଉଠାଇ ନେଇଛି ମୁମ୍ବାଇ ପୋଲିସ୍ । ଆଜି ଭୋରରୁ ମୁମ୍ବାଇ ପୋଲିସର ଏକ ଟିମ୍ ଅର୍ଣ୍ଣବଙ୍କ ଘରେ ପହଞ୍ଚି ପ୍ରଥମେ ତାଙ୍କୁ ଅଟକ ରଖିଥିଲେ, ପରେ ଗିରଫ କରିଥିବା ଜଣା ପଡ଼ିଛି ।
ଅଭିଯୋଗ ଅନୁଯାୟୀ, ରିପବ୍ଲିକ ନେଟୱାର୍କ ୨୦୧୮ରେ ଇଣ୍ଟେରିଅର ଡିଜାଇନରଙ୍କୁ ୮୩ ଲକ୍ଷ ଟଙ୍କା ପ୍ରାପ୍ୟ ନ ଦେବାରୁ ସେ ଓ ତାଙ୍କ ପୁଅ ଆତ୍ମହତ୍ୟା କରିଥିବା ଗୁରୁତର ଅଭିଯୋଗ ରହିଥିଲା । ଏନେଇ ୨୦୧୮ରେ ମାମଲା ରୁଜୁ କରିଥିଲା ପୋଲିସ । କିନ୍ତୁ ପ୍ରମାଣ ଅଭାବରୁ ଏହି ମାମଲାକୁ ବନ୍ଦ କରିଦିଆଯାଇଥିଲା । ତେବେ ମୃତକଙ୍କ ଝିଅ ଏ ନେଇ ସାନି ଅଭିଯୋଗ କରିବା ପରେ ମାମଲାକୁ ରିଓପନ କରିଛି ମୁମ୍ବାଇ ପୋଲିସ । ସେହି କେସ୍ ଆଧାରରେ ଆଜି ସକାଳୁ ଅର୍ଣ୍ଣବକୁ ତାଙ୍କ ଘରୁ ଗିରଫ କରିଛି ପୋଲିସ । ତେବେ ଉଦ୍ଧବ ସରକାରଙ୍କୁ ବିଭିନ୍ନ ପ୍ରସଙ୍ଗରେ ଘେରି ଥିବାରୁ ଏଭଳି ଆକ୍ରୋଶମୂଳକ ପଦକ୍ଷେପ ନିଆଯାଇଥିବା ରିପବ୍ଲିକ ଟିଭି ପକ୍ଷରୁ କୁହାଯାଇଛି ।
