ସରକାରୀ କର୍ମଚାରୀଙ୍କ ଉପରୁ ହଟିଲା 5T ଚାର୍ଟର ଓ ମୋ ସରକାର

ଭୁବନେଶ୍ୱର (ବଡ଼ ଖବର ବ୍ୟୁରୋ): ରାଜ୍ୟରେ ଏବେ ବିଜେପି ସରକାର । ଶାସନ ଭାର ଯେତେ ଆଗକୁ ଯାଉଛି ସେମିତି ଦିନକୁ ଦିନ ନୂଆ ନୂଆ ନିଷ୍ପତ୍ତି ନେଉଛନ୍ତି ମୋହନ ସରକାର । ଏହାରି ଭିତରେ ଆଜି ରାଜ୍ୟ ବିଜେପିର ସରକାର ଏକ ଗୁରୁତ୍ୱପୂର୍ଣ୍ଣ ପଦକ୍ଷେପ ଗ୍ରହଣ କରିଛନ୍ତି । କର୍ମଚାରୀଙ୍କ ଗୁପ୍ତ ଚରିତ୍ର ପଞ୍ଜିକାରୁ ହଟିଲା ଫାଇଭ୍‌ । ୫-ଟି ଚାର୍ଟର ସହ ‘ମୋ ସରକାର’କୁ ହଟାଇବାକୁ ଜିଏ ପକ୍ଷରୁ ବିଜ୍ଞପ୍ତି ପ୍ରକାଶ ପାଇଛି । କ, ଖ ଓ ଗ ବର୍ଗର କର୍ମଚାରୀଙ୍କ ସିସିଆରରୁ ୫-ଟି ଚାର୍ଟରକୁ ହଟାଯାଇଛି । ଏହାର ଏବେ କୌଣସି ଆବଶ୍ୟକତା ନଥିବା ଦର୍ଶାଇ ହଟାଯାଇଛି । ଏଥିସହ ୨୦୧୯-୨୦ ପୂର୍ବରୁ ପ୍ରଚଳିତ ଫର୍ମାଟକୁ ପୁନଃ ପ୍ରଚଳନ ପାଇଁ ବିଜ୍ଞପ୍ତି ପ୍ରକାଶ ପାଇଛି ।