ବାରିପଦା (ବଡ଼ ଖବର ବ୍ୟୁରୋ): ରାସ୍ତା ମରାମତି କରିବାକୁ ଗ୍ରାମବାସୀଙ୍କ ଅଭିନବ ପ୍ରତିବାଦ । ରାସ୍ତା ରେ ଧାନ ତଳି ରୋଇ କଲେ ପ୍ରତିବାଦ। ଏଭଳି ଏକ ଦୃଶ୍ୟ ସାମ୍ନାକୁ ଆସିଛି ମୟୂରଭଞ୍ଜ ଜିଲ୍ଲାର ବାଙ୍ଗିରିପୋଷି ବ୍ଲକ ଅଧୀନ ବଣକାଟି ପଞ୍ଚାୟତର ପୁନାସିଆ ଗ୍ରାମରୁ। ପୁନାଶିଆ ଗ୍ରାମ୍ୟ ରାସ୍ତାଟି ଦୀର୍ଘ ଦିନ ହେଲା ମରାମତି ଅଭାବରୁ ଅତି ଶୋଚନୀୟ ହେଇ ପଡ଼ିଛି।
ଫଳରେ ବର୍ଷା ଦିନରେ ନାହିଁ ନ ଥିବାର ଅସୁବିଧାର ସମ୍ମୁଖୀନ ହେଉଥିଲେ ଗ୍ରାମବାସୀ। ବ୍ଲକ ଦଉଡ଼ି ଦଉଡ଼ି ନୟାନ୍ତ ହେଲା ପରେ ଆଜି ରାସ୍ତା ମରାମତି କରିବା ଦାବିରେ ରାସ୍ତାରେ ଧାନ ତଳି ରୋଇ ଅଭିନବ ପ୍ରତିବାଦ କରିଛନ୍ତି । ଏପରିକି ଏହି ଗାଁ ଟି ବ୍ଲକର ଅତି ନିକଟତର ହେଇଥିଲେ ବି କୌଣସି ସରକାରୀ ଅଧିକାରୀଙ୍କ ଦୃଷ୍ଟିରେ ନ ପଡ଼ିବା ଅତ୍ୟନ୍ତ ପରିତାପର ବିଷୟ ବୋଲି କହିଛନ୍ତି ଗ୍ରାମବାସୀ।
