ବଦଳୁଛି ହରିୟାଣା ଟ୍ରେଣ୍ଡ, କଂଗ୍ରେସ ତୁଳନାରେ ବିଜେପି ଆଗରେ
ନୂଆଦିଲ୍ଲୀ (ବଡ଼ ଖବର ବ୍ୟୁରୋ): ସକାଳୁ ହରିୟାଣାରେ କଂଗ୍ରେସ ଆଗରେ ରହିଥିବା ବେଳେ ଏବେ ଟ୍ରେଣ୍ଡ୍ ପରିବର୍ତ୍ତନ ହୋଇଛି। କଂଗ୍ରେସ ତୁଳନାରେ ବିଜେପି ରାଜ୍ୟରେ ଅଧିକ ଆସନରେ ଆଗୁଆ ରହିଛି। ବର୍ତ୍ତମାନ ସୁଦ୍ଧା ରାଜ୍ୟର ୯୦ଟି ବିଧାନସଭା ନିର୍ବାଚନମଣ୍ଡଳୀ ମଧ୍ୟରୁ ୪୯ଟି ଟିରେ ବିଜେପି ଆଗରେ ଥିବାବେଳେ କଂଗ୍ରେସ ୩୪ ରେ ଆଗୁଆ ରହିଛି।ଗଣନା ଆରମ୍ଭ ହେବା ପୂର୍ବରୁ ମଧ୍ୟ ନୂଆଦିଲ୍ଲୀରେ କଂଗ୍ରେସ ମୁଖ୍ୟାଳୟ ବାହାରେ ଉତ୍ସବ ଆରମ୍ଭ ହୋଇଥିବାବେଳେ ଦଳ ସମର୍ଥକମାନେ ଢୋଲ ବଜାଇ ନାଚୁଥିବାର ଦେଖିବାକୁ ମିଳିଛି ।
କଂଗ୍ରେସ କର୍ମୀ ଜଗଦିଶ ଶର୍ମା ଏବଂ ଅନ୍ୟ ଦଳର କର୍ମୀମାନେ କଂଗ୍ରେସ କାର୍ୟ୍ୟାଳୟ ବାହାରେ ମିଠା ବାଣ୍ଟୁଛନ୍ତି।ସେପଟେ ଭୋଟ ଗଣତି ହରିୟାଣା ବାଦଲି ବିଧାନସଭା ଅସନରୁ ବିଜେପି ପ୍ରାର୍ଥୀ ଓମ୍ ପ୍ରକାଶ ଧନଖଡ କହିଛନ୍ତି, ‘ଆମେ ବଡ଼ ଫଳାଫଳକୁ ଅପେକ୍ଷା କରିଛୁ, ମଧ୍ୟାହ୍ନ ପରେ ନିଶ୍ଚିତ ହୋଇଯିବ ଯେ, କାହା ସରକାର ଗଠନ ହେବ। ନିର୍ବାଚନ ଯେତିକି ଚମତ୍କାର ସହ ଲଢ଼ିଛି ସେତିକି ଚତ୍ମକାର ବିଜୟକୁ ମଧ୍ୟ ଅପେକ୍ଷା ରହିଛି। ଏକଜିଟ୍ ପୋଲ୍ ବେଳେବେଳେ ସତ ଏବଂ ବେଳେବେଳେ ମିଥ୍ୟା ପ୍ରମାଣିତ ହୋଇଥାଏ।’
