ଶିକ୍ଷକ-ଶିକ୍ଷୟତ୍ରୀଙ୍କ ଟିକାକରଣକୁ ପ୍ରାଧାନ୍ୟ

0

ଭୁବନେଶ୍ୱର(ବଡ଼ ଖବର ବ୍ୟୁରୋ): ଜୁଲାଇ ୨୬ରୁ ଖୋଲିବ ସ୍କୁଲ । ଦଶମ ଓ ଦ୍ୱାଦଶ ଶ୍ରେଣୀ ଛାତ୍ରଛାତ୍ରୀଙ୍କ ପାଠପଢା ଆରମ୍ଭ ହେବାକୁ ଥିବାରୁ ପ୍ରସ୍ତୁତି ଆରମ୍ଭ ହୋଇଛି । ଗଣଶିକ୍ଷା ମନ୍ତ୍ରୀ ସମୀର ରଞ୍ଜନ ଦାଶଙ୍କ ପରାମର୍ଶକ୍ରମେ ବିଭାଗୀୟ ସଚିବ ସତ୍ୟବ୍ରତ ସାହୁ ରବିବାର ସମସ୍ତ ଜିଲ୍ଲା ଅଧିକାରୀଙ୍କ ସହ ଆଲୋଚନା କରିଛନ୍ତି । ଭର୍ଚୁଆଲ ମାଧ୍ୟମରେ ଅନୁଷ୍ଠିତ ଏହି ବୈଠକରେ ସ୍କୁଲ ଗୁଡିକର ସ୍ଥିତି ନେଇ ବ୍ୟାପକ ବିଚାରିବମର୍ଶ କରାଯାଇଛି ।

ଛାତ୍ରଛାତ୍ରୀଙ୍କ ସୁରକ୍ଷାକୁ ଗୁରୁତ୍ୱ ଦେଇ ଯୁଦ୍ଧକାଳୀନ ଭିତ୍ତିରେ କ୍ୟାମ୍ପସ ସଫେଇ କରିବା ଏବଂ ଶିକ୍ଷକ ଶିକ୍ଷୟତ୍ରୀଙ୍କୁ ଦୁଇଟି ଡୋଜ ଟିକାକରଣକୁ ପ୍ରାଧାନ୍ୟ ଦେଇ ପଦକ୍ଷେପ ଗ୍ରହଣ କରିବାକୁ ଡିଇଓମାନଙ୍କୁ ନିର୍ଦ୍ଦେଶ ଦିଆଯାଇଛି । ଅନୁଷ୍ଠିତ ହୋଇଥିବା ବୈଠକରେ ସ୍କୁଲ ସଫେଇ ସମେତ ବିଭାଗ ପକ୍ଷରୁ ଜାରି ହୋଇଥିବା ଏସଓପିକୁ କଡ଼ାକଡ଼ି ପାଳନ କରିବା ନେଇ ଡିଇଓମାନଙ୍କ ସହ ଆଲୋଚନା ହୋଇଛି । କୌଣସି ବିଦ୍ୟାଳୟର ହଷ୍ଟେଲ ଯେପରି ନଖୋଲେ ସେଥିପ୍ରତି କଡ଼ା ନଜର ରଖାଯିବ । ସାମାଜିକ ଦୂରତା ଓ ମାସ୍କକୁ ପ୍ରାଧାନ୍ୟ ଦିଆଯିବ ।

Leave a Reply

Your email address will not be published. Required fields are marked *