ମହାରାଷ୍ଟ୍ର ସିଏମ ସସପେନ୍ସ ଉପରୁ ହଟିଲା ପରଦା; ଦେବେନ୍ଦ୍ର ଫଡ୍ନାବିସ୍ ହେବେ ମହାରାଷ୍ଟ୍ରର ପରବର୍ତ୍ତୀ ମୁଖ୍ୟମନ୍ତ୍ରୀ
ମହାରାଷ୍ଟ୍ର (ବଡ଼ ଖବର ବ୍ୟୁରୋ): କିଏ ହେବ ମହାରାଷ୍ଟ୍ର ମୁଖ୍ୟମନ୍ତ୍ରୀ । ନୂଆ ସିଏମକୁ ନେଇ ଲାଗି ରହିଥିବା କଳ୍ପନାଜଳ୍ପନାର ଅନ୍ତ ଘଟିଛି । ମହାୟୁତିର ସହଯୋଗରେ ମହାରାଷ୍ଟ୍ରର ମୁଖ୍ୟମନ୍ତ୍ରୀ ହେବେ ଦେବେନ୍ଦ୍ର ଫଡ଼ନାବିସ୍ । କୋର କମିଟି ବୈଠକରେ ଏନେଇ ନିଷ୍ପତ୍ତି ହୋଇଛି । ଗୁରୁବାର ମୁଖ୍ୟମନ୍ତ୍ରୀ ପାଇଁ ସେ ଶପଥ ନେବେ । ସେପଟେ ମହାରାଷ୍ଟ୍ରରେ ଦୁଇ ଜଣ ଉପମୁଖ୍ୟମନ୍ତ୍ରୀ ରହିବା ଜଣାପଡ଼ିଛି । ଶିବସେନା ଏକନାଥ ସିନ୍ଦେ ଓ ଏନସିପିର ଅଜିତ ପାୱାର ଡେପୁଟି ସିଏମ ହେବା ନେଇ ଜଣାପଡ଼ିଛି । ଚଳିତ ନିର୍ବାଚନରେ ଇଣ୍ଡିଆ ମେଂଟ ଓ ଏନଡିଏ ମଧ୍ୟରେ ହୋଇଥିଲା ନିର୍ବାଚନ ଲଢେଇ ।
ବିଜେପି ଏକନାଥଙ୍କ ଶିବସେନା ଓ ଅଜିତଙ୍କ ଏନସିପି ମିଳିତ ଭାବେ ନିର୍ବାଚନ ଲଢିଥିଲେ । ୨୮୮ ଆସନ ବିଶିଷ୍ଟ ମହାୟୁତି ମେଂଟକୁ ମିଳିଥିଲା ୨୩୦ ଆସନ । ମହାରାଷ୍ଟ୍ର ଜନତା ମହାୟୁତିକୁ ସରକାର ଗଠନ କରିବାକୁ ସୁଯୋଗ ଦେଲେ । ହେଲେ ମୁଖ୍ୟମନ୍ତ୍ରୀ କିଏ ହେବ ତାକୁ ନେଇ ଆଲୋଚନା ପର୍ଯ୍ୟାଲୋଚନା ଭିତରେ ସମୟ ଗଡ଼ି ଚାଲିଥିଲା । ହେଲେ ଶେଷରେ ଦେବେନ୍ଦ୍ର ଫଡନାଭିସ ମୁଖ୍ୟମନ୍ତ୍ରୀ ହେବା ନେଇ ମୋହର ମରାଯାଇଛି । ମହାୟୁତିର ବିପୁଳ ବିଜୟ ପରେ ମୁଖ୍ୟମନ୍ତ୍ରୀ ପଦ ଛାଡ଼ିଛନ୍ତି ଏକନାଥ ସିନ୍ଦେ ।
