ପ୍ରବୀର ପ୍ରଧାନଙ୍କୁ ଶ୍ରଦ୍ଧାଞ୍ଜଳି

ଭଦ୍ରକ, (ବଡ଼ ଖବର ବ୍ୟୁରୋ): ଜୀବନ ଯୁଦ୍ଧରେ ହାରିଗଲେ କରୋନା ଯୋଦ୍ଧା। ଓଡ଼ିଆ ସାମ୍ବାଦିକତା ଜଗତରେ ଲିଭିଗଲା ଆଉ ଗୋଟିଏ ଦୀପ। ଗୁରୁବାର ଓଡ଼ିଆ ସାମ୍ବାଦିକ ଜଗତର ଆଗଧାଡ଼ିର ସାମ୍ବାଦିକ ପ୍ରବୀର ପ୍ରଧାନଙ୍କ ଦେହାନ୍ତ ହୋଇଛି। ତାଙ୍କ ଅକାଳ ବିୟୋଗରେ ସମଗ୍ର ଗଣମାଧ୍ୟମ ଜଗତରେ ଖେଳିଯାଇଛି ଶୋକର ଛାୟା। ତାଙ୍କ ଆତ୍ମାର ସଦଗତି ପାଇଁ ଆଜି ଭଦ୍ରକ ଜିଲ୍ଲା ସାମ୍ବାଦିକ ସଂଘ ପକ୍ଷରୁ ଏକ କ୍ୟାଣ୍ଡେଲ ଶୋଭାଯାତ୍ରା ଆୟୋଜିତ ହୋଇଥିଲା। ଶୋଭାଯାତ୍ରା ଜିଲ୍ଲାପାଳଙ୍କ କାର୍ଯ୍ୟାଳୟ ସମ୍ମୁଖରୁ ବାହାରି ଟାଉନ ହଲ ପର୍ଯ୍ୟନ୍ତ ଯାଇଥିଲା। ଏଥିରେ ପ୍ରବୀର ଭାଇ ଅମର ରହେ ନାରା ଦିଆଯାଇଥିଲା। ଟାଉନ ହଲରେ ଏହି ଶୋଭାଯାତ୍ରା ପହଞ୍ଚି ସେଠାରେ ଏକ ମିନିଟ ନିରବ ପ୍ରାର୍ଥନା କରଯାଇ ତାଙ୍କ ଆତ୍ମାର ସଦଗତି କାମନା କରାଯାଇଥିଲା। ଶେଭାଯାତ୍ରାରେ ଭଦ୍ରକର ସମସ୍ତ ସମ୍ବାଦିକ ଯୋଗଦେଇଥିଲେ।