ବିଶ୍ୱ ପରିବେଶ ଦିବସରେ

ନୂଆଦିଲ୍ଲୀ (ବଡ ଖବର ବ୍ୟୁରୋ) :ବିଶ୍ୱ ପରିବେଶ ଦିବସରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଦିଲ୍ଲୀ ସରକାରଙ୍କ ସହ ୨୦୦ଟି ଇଲେକ୍ଟି୍ରକ୍ ବସ୍ କୁ ପତକା ଦେଖାଇ ଶୁଭାରମ୍ଭ କରିଛନ୍ତି । ଦିଲ୍ଲୀର ଉପଜିଲ୍ଲାପାଳ ଭି.କେ ସକ୍ସେନା, ମୁଖ୍ୟମନ୍ତ୍ରୀ ରେଖା ଗୁପ୍ତା, କେନ୍ଦ୍ରମନ୍ତ୍ରୀ ଭୁପେନ୍ଦ୍ର ଯାଦବ ଏବଂ ଦିଲ୍ଲୀ କ୍ୟାବିନେଟ୍ ମନ୍ତ୍ରୀ ମନଜିନ୍ଦର ସିଂହ ସିରସ ମଧ୍ୟ ସେଠାରେ ଉପସ୍ଥିତ ଥିଲେ । ବିଶ୍ୱ ପରିବେଶ ଦିବସରେ ସେ ‘ଏକ୍ ପେଡ୍ ମା କେ ନାମ୍’ ପଦକ୍ଷେପ ଅଧିନରେ ଏକ ଗଛ ମଧ୍ୟ ଲଗାଇଛନ୍ତି । ଏହା ସହ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଗୁରୁବାର ଦିନ ତାଙ୍କ ସରକାରୀ ବାସଭବନରେ ସହ ନୂଆଦିଲ୍ଲୀରେ ଏକ ସିନ୍ଦୂର ଚାରା ଲଗାଇ ବିଶ୍ୱ ପରିବେଶ ଦିବସର ଶୁଭେଚ୍ଛା ଜଣାଇଥିଲେ । କିଛି ଦିନ ତଳେ ଭାରତ-ପାକିସ୍ତାନ ମଧ୍ୟରେ ଯୁଦ୍ଧ ହୋଇଥିଲା । ପହଲଗାମ୍ ଆକ୍ରମଣରେ ରକ୍ତର ନଦୀ ବହିଥିଲା । ଭାରତ-ପାକିସ୍ତାନ ମଧ୍ୟରେ ଚାଲିଥିବା ଅପରେସନର ନାମ ‘ଅପରେସନ ସିନ୍ଦୂର’ ଥିଲା । ସେଥି ପାଇଁ ବିଶ୍ୱ ପରିବେଶ ଦିବସରେ କଚ୍ ମହିଳା ମାନେ ପ୍ରଧାନମନ୍ତ୍ରୀ ମୋଦିଙ୍କୁ ସିନ୍ଦୁର ନାମର ଏକ ଚାରା ଉପହାରରେ ଦେଇଥିଲେ । ଯେଉଁ ମହିଳା ମାନେ ୧୯୭୧ ମସିହାରେ ଭାରତ-ପାକିସ୍ତାନ ଯୁଦ୍ଧରେ ସାହାସ ଦେଖାଇଥିଲେ ।