ଝାଡାବାନ୍ତିରେ ଆଉଟ ପାଉଟ ଯାଜପୁର, ଛୁଟି ବାତିଲ

ଯାଜପୁର (ବଡ଼ ଖବର ବ୍ୟୁରୋ):  ଯାଜପୁର ଜିଲ୍ଲାରେ ଝାଡାବାନ୍ତି ସ୍ଥିତିରେ ଲାଗୁନି ବ୍ରେକ । ଲୋକେ ହେଉଛନ୍ତି ଆଉଟ ପାଉଟ । ଯାଉଛି ମୂଲ୍ୟବାନ ଜୀବନ । ତାକୁ ଆଖି ଆଗରେ ରଖି ଜିଲ୍ଲା ପ୍ରଶାସନ ନେଲା କଠୋର ନିଷ୍ପତ୍ତି । ସରକାରୀ ଛୁଟିକୁ ବାତିଲ ଘୋଷଣା । ଜୁନ ୧୪ରୁ ୧୬ତାରିଖ ଯାଏଁ ସମସ୍ତ ସରକାରୀ ଅଧିକାରୀ ଓ କର୍ମଚାରୀଙ୍କ ଛୁଟି ଦିନରେ ଅଫିସ ଆସି କାର୍ଯ୍ୟ କରିବାକୁ  ନିର୍ଦେଶ  । ଯାଜପୁରରେ ଅଣଆୟତ ହେବାକୁ ବସିଛି ଡାଇରିଆ ସ୍ଥିତି ।

ଆକ୍ରାନ୍ତଙ୍କ ସଂଖ୍ୟା ଧିରେଧିରେ ବୃଦ୍ଧିପାଇବାରେ ଲାଗିଛି । ଦୂଷିତ ଜଳ ପାଇଁ ଯାଜପୁର ଜିଲ୍ଲାର ଅଧିକାଂଶ ଲୋକେ ଡ଼ାଇରିଆରେ ସଂକ୍ରମିତ ହେଉଥିବା କୁହାଯାଉଛି । ହସ୍ପିଟାଲରେ ଆହତଙ୍କର ଚିକିତ୍ସା ଚାଲିଥିବା ବେଳେ ଅନେକଙ୍କର ମୃତ୍ୟୁ ଘଟିଛି  ଯାଜପୁର ଜିଲ୍ଲାରେ ପାଖାପାଖି ଆକ୍ରନ୍ତଙ୍କ ସଂଖ୍ୟା ୬୦୦ରୁ ହୋଇଥିବା ବେଳେ ମୃତକଙ୍କ ସଂଖ୍ୟା ୬କୁ ଛୁଇଁଥିବା ସୂଚନା ।