ଜବତ ଗଞ୍ଜେଇର ପତ୍ତା ମିଳୁନି

ରାୟଗଡ଼ା (ବଡ଼ ଖବର ବ୍ୟୁରୋ): ରାୟଗଡ଼ା ସହର ଭିତରୁ ୩୫ ପକେଟ୍ ଗଞ୍ଜେଇ ଜବତ ହୋଇଛି । ପଡ଼ୋଶୀ ରାଜ୍ୟ ଛତିଶଗଡ଼କୁ ଚାଲାଣ ହେଉଥିବା ବେଳେ ଆମ୍ବାଗୁଡା଼ ନିକଟରୁ କାର୍ଟୁନ ବୋଝେଇ ଟ୍ରକରୁ ୩୫ ପକେଟ୍ ଗଞ୍ଜେଇ ଜବତ କରିଛି ପୋଲିସ । ଘଟଣାସ୍ଥଳରୁ ଟ୍ରକ୍ ଡ୍ରାଇଭର ଫେରାର ହୋଇଥବା ବେଳେ ଟ୍ରକକୁ ଥାନାକୁ ଅଣାଯାଇଛି । ଏହାସହ ଟ୍ରକ୍ ମାଲିକଙ୍କୁ ଅଟକରଖି ପୋଲିସ ପଚରାଉଚରା ଜାରି ରଖିଛି ପୋଲିସ । ଜବତ ଗଞ୍ଜେଇର ପରିମାଣ କେତେ ହେବ ତାହା ସ୍ପଷ୍ଟ ହୋଇନାହିଁ । ତେବେ ଏତେ ପରିମାଣର ଗଞ୍ଜେଇ ସହର ଭିତରୁ କେମିତି ଆସିଲା ତାହା ସାଧାରଣରେ ପ୍ରଶ୍ନବାଚୀ ସୃଷ୍ଟି କରିଛି । ଅନ୍ୟପଟେ ରାୟଗଡ଼ା ଜିଲ୍ଲାରେ ଗତ ୩ ମାସ ଭିତରେ ପୋଲିସ ୪୫ କ୍ୟୁଣ୍ଟାଲରୁ ଅଧିକ ଗଞ୍ଜେଇ ଜବତ କରିଛି । ତେବେ ପୋଲିସ ଦ୍ୱାରା ଜବତ ଗଞ୍ଜେଇ କୁଆଡେ ଯାଉଛି ବୋଲି ବୁଦ୍ଧିଜୀବୀ ମହଲରେ ପ୍ରଶ୍ନ ଉଠୁଛି ।