ସିନିଅର ସିଭିଲ କୋର୍ଟ ଉଦଘାଟିତ

ଜଗତସିଂହପୁର (ବଡ଼ ଖବର ବ୍ୟୁରୋ): ଜଗତସିଂହପୁର ଜିଲ୍ଲା ନ୍ୟାୟାଳୟ ପରିସରରେ ସିନିଅର୍ ସିଭିଲ କୋର୍ଟ (ଏଲ.ଆର) ଉଦଘାଟିତ ହୋଇଯାଇଛି । ଓଡ଼ିଶା ହାଇକୋର୍ଟର ବିଚାରପତି କୁମାରୀ ସଞ୍ଜୁ ପଣ୍ଡା ଏହାକୁ ଉଦଘାଟନ କରିଛନ୍ତି । । ସିନିୟର ସିଭିଲ କୋର୍ଟ (ଏଲ. ଆର) ଭାବେ ସୁଦୀପା ପାତ୍ର କାର୍ୟ୍ୟରେ ଯୋଗଦେଇଛନ୍ତି । ଉଦଘାଟନ ଉତ୍ସବରେ ଓଡିଶା ହାଇକୋର୍ଟର ରେଜିଷ୍ଟ୍ରାର ଆର.କେ. ତୋଷ ରାଜ୍ୟ ସରକାର ଓ ହାଇକୋର୍ଟଙ୍କ ନୋଟିଫିକେସନ ପାଠ କରିଥିଲେ ।

ଉତ୍ସବରେ ଜିଲ୍ଲାଜଜ୍ ଆନନ୍ଦ ଚନ୍ଦ୍ର ବେହେରା, ଅତିରିକ୍ତ ଜିଲ୍ଲାଜଜ୍ ଇତିଶ୍ରୀ ମାଳବିକା ଭୂୟାଁ, ସବଜଜ୍ ଶଶୀରେଖା ମିଶ୍ର, ଜିଲ୍ଲା ଆଇନସେବା ପ୍ରାଧିକରଣ ସଚିବ କମଳାକାନ୍ତ ରାଉତ, ଜିଲ୍ଲାପାଳ ସରୋଜ କୁମାର ମିଶ୍ର, ରେଜିଷ୍ଟ୍ରାର ସିଭିଲ କୋର୍ଟ ମହାଶ୍ୱେତା ପରିଜା, ମହିଳା ଜଜ କୋର୍ଟ ଅନ୍ନପୂର୍ଣା ନାୟକ, ଏସଡିଜେଏମ ଋତୁପର୍ଣ୍ଣା ମିଶ୍ର, ଏସପି ପ୍ରକାଶ ଆର, ବରିଷ୍ଠଆଇଜୀବୀ ପ୍ରମୁଖ ଉପସ୍ଥିତ ଥିଲେ ।