ହୋମ୍ଗାର୍ଡ ସଂଘ ସଭାପତିଙ୍କ ଆତ୍ମାହୁତି ଧମକ
ଗଞ୍ଜାମ (ବଡ଼ ଖବର ବ୍ୟୁରୋ): ହୋମ୍ଗାର୍ଡ ସଂଘ ସଭାପତିଙ୍କ ଆତ୍ମାହୁତି ଧମକ । ଛୁଟି ଓ ଅନ୍ୟାନ ସୁବିଧା ମିଳୁ ନଥିବାରୁ ଜଣାଇଲେ ଅସନ୍ତୋଷ । ନା ମିଳୁଛି ପେନସନ୍ ନା ଇପିଏଫ ବ୍ୟବସ୍ଥା । ନିଜ ଅଧିକାର ନେଇ ଭିଡିଓ ଜାରି କରି ଦୁଃଖ ଜଣାଇଲେ ରଞ୍ଜନ ମଲ୍ଲିକ । ୨୫ ତାରିଖରେ ଆତ୍ମାହୁତି ଦେବାକୁ ଧମକ । ଏହା ସହ ମୁଖ୍ୟମନ୍ତ୍ରୀଙ୍କ ଉଦ୍ଦେଶ୍ୟରେ ଏକ ଚିଠି ମଧ୍ୟ ଲେଖିଛନ୍ତି । ଏଥିରେ ସେ ଲେଖିଛନ୍ତି ୧୯୬୧ ଓ ୧୯୬୨ ମସିହାର ହୋମ୍ଗାର୍ଡ ବ୍ରିଟିଶ୍ ଆଇନ୍କୁ ଆଉ ସହି ହେଉନି ।
ଓଡ଼ିଶା ହୋମ୍ଗାର୍ଡଙ୍କଠାରୁ ସେମାନଙ୍କ ଅଧିକାର, ପୋଷାକ, ଅସ୍ତ୍ର ଛଡ଼ାଇ ନେଇ ସେମାନଙ୍କୁ ସେମାନଙ୍କୁ ସୈନିକରୁ କ୍ରୀତଦାସ କରିଦିଆଯାଇଛି । ସୁପ୍ରିମ୍କୋର୍ଟ ଓ ହାଇକୋର୍ଟଙ୍କ ନିର୍ଦ୍ଦେଶ ପାଳନ ହେଉନାହିଁ । ରାଷ୍ଟ୍ରପତିଙ୍କୁ ହୋମ୍ଗାର୍ଡଙ୍କ ବିଷୟରେ ମିଛ ଓ ଭୁଲ୍ ତଥ୍ୟ ପ୍ରଦାନ କରାଯାଉଛି । ଏହିପରି ୧୫ଟି ପ୍ରସଙ୍ଗ ଉଠାଇ ମୁଖ୍ୟମନ୍ତ୍ରୀଙ୍କ ଦୃଷ୍ଟି ଆକର୍ଷଣ କରିଛନ୍ତି । ୨୫ ତାରିଖ ସୁଦ୍ଧା କୌଣସି ସମାଧାନ ନହେଲେ ବିଧାନସଭା ଆଗରେ ଆତ୍ମାହୁତି ଦେବାକୁ ଧମକ ଦେଇଛନ୍ତି ।