ଆସନ୍ତା କାଲି ଖୋଲିବ ସ୍କୁଲ, ସ୍ଥିତି ସମୀକ୍ଷାକଲେ ସମୀର ଦାଶ

ଭୁବନେଶ୍ୱର(ବଡ଼ ଖବର ବ୍ୟୁରୋ): ଦୀର୍ଘ ୯ ମାସର ବ୍ୟବଧାନପରେ ଆସନ୍ତାକାଲି ଖୋଲିବ ସ୍କୁଲ। ଏହା ପୂର୍ବରୁ ଆଜି ସ୍କୁଲ ପରିଦର୍ଶନ କରି ସ୍ଥିତି ସମୀକ୍ଷା କରିଛନ୍ତି ସ୍କୁଲ ଓ ଗଣଶିକ୍ଷା ମନ୍ତ୍ରୀ ସମୀର ରଞ୍ଜନ ଦାଶ। କ୍ଲାସ୍ ରୁମକୁ ସମ୍ପୂର୍ଣ୍ଣ ସାନିଟାଇଜ କରାଯାଇଛି ବୋଲି ମନ୍ତ୍ରୀ କହିଥିବା ବେଳେ ସ୍କୁଲ୍ ପ୍ରବେଶ ପୂର୍ବରୁ ପିଲାଙ୍କ ହାତକୁ ସାନିଟାଇଜ କରାଯିବ ବୋଲି ସେ କହିଛନ୍ତି ।

ରାଜ୍ୟରେ ୧୦ ହଜାରରୁ ଅଧିକ ସ୍କୁଲ ରହିଥିବା ବେଳେ ସେଥିରୁ ୮ ହଜାର ସରକାରୀ ଓ ୩ ହଜାର ବେସରକାରୀ ସ୍କୁଲ ରହିଛି । ଯେଉଁଥିରେ ୬ ଲକ୍ଷରୁ ଉର୍ଦ୍ଧ ପିଲା ପଢୁଛନ୍ତି। ଏସଓପି ଅନୁସାରେ ରାଜ୍ୟର ସବୁ ସ୍କୁଲ ଖୋଲିବ ତା ସହିତ ପ୍ରତି ସେକ୍ସନରେ ୨୦ରୁ ୨୫ ପିଲା ପାଠ ପଢ଼ିବେ। ଅଧିକ ପିଲା ଥିଲେ ଅଧିକ ସେକ୍ସସନ ହେବ । ସାନିଟାଇଜେସନ ଓ ପିଲାଙ୍କ ସ୍ୱାସ୍ଥ୍ୟକୁ ପ୍ରାଥମିକତା ଦିଆଯାଉଛି ବୋଲି ମଧ୍ୟ ମନ୍ତ୍ରୀ ମତ ପ୍ରକାଶ କରିଛନ୍ତି।