ମାତିଛି ମାଖେନା: ଭୟଭୀତ ଅଞ୍ଚଳବାସୀ

ଭୁବନେଶ୍ୱର(ବଡ଼ ଖବର ବ୍ୟୁରୋ): ହିଂସ୍ର ହାତୀ ମାଖେନା ଚନ୍ଦକା ଅଞ୍ଚଳର ପାଖାପାଖି ୩୦ଖଣ୍ଡ ଗାଁରେ ରଚୁଛି ତାଣ୍ଡବ। ଖାଦ୍ୟ ଅନ୍ୱେଷଣରେ ଜନବସତି ମୁହାଁ ଗଜରାଜ୍ । ମାଖେନା ଆତଙ୍କରେ ଲୋକେ ଭୟଭୀତ । ସଞ୍ଜ ହେଲେ ଭୟରେ ତାଟିକବାଟ ପଡିଯାଉଛି । ପିଲା ଠୁ ବୟସ୍କ ପର୍ୟ୍ୟନ୍ତ ସମସ୍ତେ ଆତଙ୍କିତ । ଖାଲି ସେତିକି ନୁହେଁ ଚାଷୀଙ୍କ ଫସଲ ନଷ୍ଟ କରିବା ସହ ଅନେକ ଧନ ଜୀବନ ମଧ୍ୟ ହାନି ଘଟାଉଛି ମାଖେନା ।
ପାଇକରାପୁର, ଚନ୍ଦକା, ଅନ୍ଧାରୁଆ, ଦାରୁଠେଙ୍ଗ, କଣ୍ଟାବାଡ଼, ମେଣ୍ଢାଶାଳ, କୁଜିମହଲ ଆଦି ଗାଁର ଲୋକେ ମାଖେନାକୁ ନେଇ ଆତଙ୍କିତ ହୋଇପଡିଛନ୍ତି । ସେପଟେ ଗତକାଲି ବିଳମ୍ବିତ ରାତିରେ ମାଖେନା ପୁଣି ଜନବସତି ମୁହାଁ ହୋଇ ନାହିଁ ନଥିବା କ୍ଷତି କରିଛି । ବନବିଭାଗ ଏ ଦିଗରେ ଦୃଷ୍ଟି ଦେଇ ପାଟ୍ରୋଲିଂକୁ କଡାକଡି କରିବା ସହ ହାତୀ ଘଉଡାଇଲେ ହୁଏତ ଲୋକେ ସୁରକ୍ଷିତ ହୋଇପାରନ୍ତେ ବୋଲି କହିଛନ୍ତି ଅଞ୍ଚଳବାସୀ । ସେପଟେ ମାଖେନା ଉପରେ ତୀକ୍ଷ୍ମ ଦୃଷ୍ଟି ରଖିଥିବା ବନ ବିଭାଗ ସୂଚନା ଦେଇଛି ।