![](https://i0.wp.com/badakhabar.in/wp-content/uploads/2020/11/7b3dec7e-b34f-4a7b-a2a4-103393cc5f12.jpg?fit=750%2C400&ssl=1)
ଚାନ୍ଦବାଲି, (ବଡ଼ ଖବର ବ୍ୟୁରୋ): ଚାନ୍ଦବାଲି ବ୍ଲକ ବାଂଶଡ଼ା ଥାନା ଚଡ଼ଦିଆ ପଞ୍ଚାୟତର ଚଡ଼ଦିଆ ଗ୍ରାମରେ ଦେଖିବାକୁ ମିଳିଛି ଅଭାବନୀୟ ଘଟଣା । ଶ୍ୱଶୁର ଘରକୁ ଡ଼ାକିନେଇ ବୋହୂକୁ ମାଡ଼ ମାରିଥିବା ଅଭିଯୋଗ ହୋଇଛି ।
ଚଡ଼ଦିଆ ଗ୍ରାମର ଧନୀ ମହାଳିକଙ୍କ ପୁଅ ଶଙ୍କର ମହାଳିକ ନଳଗୋହିରା ଗ୍ରାମର ନଟବର ଜେନାଙ୍କ ଝିଅ ସବିତା ଜେନାଙ୍କୁ ଭଲପାଇ ବିବାହ କରିଥିଲେ । ଆଜକୁ ଦେଢ଼ବର୍ଷ ହେବ ଶଙ୍କର ତାଙ୍କ ସ୍ତ୍ରୀ ସହିତ ଶଶୂର ଘରେ ରହି ଆସୁଥିଲେ । ଏହି କିଛିଦିନ ହେବ ଶଙ୍କରଙ୍କୁ ତାଙ୍କ ଘରଲୋକ ନିଜ ଘରକୁ ନେଇଯାଇଥିଲେ । ଗୋଟିଏ ଦିନପରେ ଶଙ୍କର ତାଙ୍କ ସ୍ତ୍ରୀଙ୍କୁ ଫୋନର ଆସିବାକୁ କହିଥିଲେ । ସବିତା ପହଞ୍ଚିବାରୁ ଶାଶୂ, ଶ୍ୱଶୁର, ନଣନ୍ଦ, ମଳାଶୁର ମିଶି ତାଙ୍କୁ ମାଡ଼ମାରିଥିବା ଅଭିଯୋଗ ହୋଇଛି । ଘଟଣାସ୍ଥଳରେ ସବିତାଙ୍କ ଘରଲୋକ ପହଞ୍ଚି ବାଂଶଡ଼ା ପୋଲିସକୁ ଖବର କରିଥିଲେ । କିନ୍ତୁ ପୋଲିସ ରାତିରେ ଯିବାକୁ ମନା କରିଦେଇଥିବା ଜଣାପଡ଼ିଛି ।