ସରକାରୀ କାର୍ଯ୍ୟାଳୟରେ ବେସରକାରୀ କାର୍ଯ୍ୟକୁ ନେଇ ପ୍ରଶ୍ନ

ବାଲିଆପାଳ (ବଡ଼ ଖବର ବ୍ୟୁରୋ): ଗ୍ରାମ ପଞ୍ଚାୟତ କାର୍ଯ୍ୟାଳୟ ହେଉଛି ସରକାରୀ କାର୍ଯ୍ୟାଳୟ। ତେବେ ସରକାରୀ କାର୍ଯ୍ୟାଳୟ ପରିସରରେ ବେସରକାରୀ ଦଳୀୟ କାର୍ଯ୍ୟକ୍ରମ କିମ୍ବା ସମାବେଶ କରାଯିବାର ନିୟମ ନଥିବାବେଳେ, ବାଲିଆପାଳ ବ୍ଲକର ଏକ ପଞ୍ଚାୟତ କାର୍ଯ୍ୟାଳୟ ପରିସରରେ ସରପଞ୍ଚଙ୍କ ଦ୍ବାରା ଚାଷୀ ସମାବେଶ କରାଯାଇଛି । ଯାହା ସରକାରୀ ନିୟମର ଉଲଂଘନ ହୋଇଥିବା ଦେଖିବାକୁ ମିଳିଛି।

ବାଲିଆପାଳ ବ୍ଲକ ବଳରାମପୁର ପଞ୍ଚାୟତ କାର୍ଯ୍ୟାଳୟ ପରିସରରେ ବିଜେଡି ସମର୍ଥିତ ସରପଞ୍ଚ ଅରୁଣ ପାଣିଗ୍ରାହୀଙ୍କ ଆବାହକତ୍ୱରେ ଏକ ଚାଷୀ ସମାବେଶ ହୋଇଥିଲା। ଏହି ସମାବେଶରେ ବଳରାମପୁର ଓ ସ୍ଥାନୀୟ ବାଲିକୁଟୀ ପଞ୍ଚାୟତର ପାଖାପାଖି ୩୦୦ ଚାଷୀ ଉପସ୍ଥିତ ଥିଲେ। ତେବେ ସୁବର୍ଣ୍ଣରେଖା ବନ୍ୟାରେ ବାଲିକୁଟୀ ଓ ବଳରାମପୁରକୁ ଚାଷଜମି କ୍ଷତିପୂରଣ ଦାବିରେ ସମାବେଶ ହୋଇଥିବା ଜଣାପଡ଼ିଛି ।