ପାରାଦୀପରେ ଟ୍ରାଫିକ ବ୍ୟବସ୍ଥା ବିପର୍ଯ୍ୟସ୍ତ

ପାରାଦୀପ (ବଡ଼ ଖବର ବ୍ୟୁରୋ): ପାରାଦୀପରେ ଟ୍ରାଫିକ ବ୍ୟବସ୍ଥା ବିପର୍ଯ୍ୟସ୍ତ । ଆମ୍ବୁଲାନ୍ସକୁ ଅଣଦେଖା ଯୋଗୁଁ ଅଧା ରାସ୍ତାରେ ଚାଲିଗଲା ଜଣେ ରୋଗୀର ଜୀବନ । ପାରାଦୀପରେ ବିଶ୍ୱକର୍ମା ପୂଜା ପାଇଁ ଟ୍ରାଫିକ୍ ପରିଚାଳନାରେ ଭୟଙ୍କର ତ୍ରୁଟି ଦେଖିବାକୁ ମିଳିଛି । ଗତ ରବିବାର ଦିନ ରାସ୍ତାରେ ପ୍ରବଳ ଭିଡ଼ ଯୋଗୁଁ ଅଢ଼େଇ ଘଣ୍ଟା ଧରି ଏକ ଆମ୍ବୁଲାନ୍ସ ଫସି ରହିଥିଲା।

ରୋଗୀଙ୍କ ସର୍ମ୍ପକୀୟ ଏନେଇ ବହୁତ କାକୁତି ମିନତି ହୋଇଥିଲେ। ହେଲେ କେହି ଶୁଣିନଥିଲେ । ଫଳରେ ଚିକିତ୍ସାରେ ଅହେତୁକ ବିଳମ୍ବ ହେବାରୁ ଦୁର୍ଘଟଣାର ଶିକାର ହୋଇଥିବା ନେହେରୁ ବଙ୍ଗଳାର ମହେଶ୍ୱର ଦାସଙ୍କ ପୁଅ ରାକେଶ ଦାସଙ୍କ ଜୀବନ ଚାଲି ଯାଇଥିବା ଅଭିଯୋଗ ହେଉଛି ।