ରଥଯାତ୍ରାରେ ଉଡିବନି ଡ୍ରୋନ

ପୁରୀ (ବଡ଼ ଖବର ବ୍ୟୁରୋ): ରଥଯାତ୍ରା ପାଇଁ ପୁରୀ ଡ୍ରୋନ ଉଡାଣକୁ ନା । ୧୬ ତାରିଖରୁ ପୁରୀରେ ଆଉ ଉଡିପାରିବନି ଡ଼୍ରୋନ । ଡ଼୍ରୋନ ଉଡାଣ ବନ୍ଦ ନେଇ ଆସିଲା କଟକଣା । କଟକଣା ଲଗାଇଲେ ଜିଲ୍ଲା ପ୍ରଶାସନ । ଖାଲି ପୁରୀ ଭିତରେ ନୁହେଁ ସହରର ୫ କିଲୋମିଟର ପରିଧି ଭିତରେ ଡ୍ରୋନ ଉଡିପାରିବ ନାହିଁ । ଆଗକୁ ଆସୁଛି ମହାପ୍ରଭୁଙ୍କ ଘୋଷଯାତ୍ରା । ଶ୍ରୀକ୍ଷେତ୍ରରେ ହେବ ନାହିଁ ନଥିବା ଭିଡ଼ । ସୁରକ୍ଷା ଦୃଷ୍ଟି ସହିତ ଅପରାଧିକ କାର୍ଯ୍ୟକଳାପକୁ ନଜରରେ ରଖି ପ୍ରଶାସନ ଏଭଳି କଟକଣା ଜାରି କରାଯାଇଛି ।

ସୁରକ୍ଷା ଏବଂ ଶୃଙ୍ଖଳାକୁ ଦୃଷ୍ଟିରେ ରଖି ପୁରୀ ଜିଲ୍ଲାପାଳ ପୁରୀ ସହରର ୫ କିଲୋମିଟର ପରିସର ମଧ୍ୟରେ ଥିବା ଅଞ୍ଚଳକୁ ୧୬ ଜୁଲାଇ ୨୦୨୬ ରୁ ୨୭ ଜୁଲାଇ ୨୦୨୬ ପର୍ଯ୍ୟନ୍ତ “ନିଷେଧ ଉଡ଼ାଣ କ୍ଷେତ୍ର” ଭାବରେ ଘୋଷଣା କରିଛନ୍ତି। ପୁରୀ ଜିଲ୍ଲା ପ୍ରଶାସନ ପକ୍ଷରୁ ଏକ ପ୍ରେସ ବିଜ୍ଞପ୍ତି ଜାରି କରାଯାଇଛି । ସେପଟେ ପୁରୀର ପୋଲିସ ଅଧିକ୍ଷକଙ୍କ ସହ ପରାମର୍ଶ କରି ଜିଲ୍ଲା ପ୍ରଶାସନ ଏହି ନିର୍ଦ୍ଦେଶନାମା ଜାରି କରିଛନ୍ତି। ଯଦି ଏହାକୁ କିଏ ଉଲ୍ଲଙ୍ଘନ କରେ ତେବେ ସେହି ବ୍ୟକ୍ତିଙ୍କ ବିରୋଧରେ କଡ଼ା କାର୍ଯ୍ୟାନୁଷ୍ଠାନ ଗ୍ରହଣ କରାଯିବ । ଅତିରିକ୍ତ ଜିଲ୍ଲାପାଳଙ୍କୁ ନୋଡାଲ ଅଫିସର ଭାବେ ଦାୟିତ୍ୱ ଦିଆଯାଇଛି।