ପୋଲସରା ଗୁଳିମାଡ ଘଟଣା, ଅଭିଯୁକ୍ତ ଗିରଫ

ଗଞ୍ଜାମ(ବଡ଼ ଖବର ବ୍ୟୁରୋ); ଗଞ୍ଜାମ ଜିଲ୍ଲା ପୋଲସରା ଗୁଳିମାଡ ଘଟଣାରେ ଅଭିଯୁକ୍ତ ପ୍ରଶାନ୍ତ ବେହେରାକୁ ଶେଷରେ ପୋଲିସ ଗିରଫ କରିଛି । ମୃତକ ହେଲେ ଖଲ୍ଲିକୋଟ ଥାନା ଅନ୍ତର୍ଗତ କୁମଣ୍ଡ ଗ୍ରାମର ବିଜୟ କୁମାର ବେହେରା । ମିଳିଥିବା ସୂଚନା ଅନୁଯାୟୀ ଘରୋଇ ସମ୍ପତ୍ତି ବିବାଦକୁ କେନ୍ଦ୍ର କରି ଏଭଳି ଘଟଣା ଘଟିଥିବା ଅଭିଯୋଗ ହୋଇଛି । ବିଜୟଙ୍କ ଝିଅର ଶାଶୁଘରେ ସମ୍ପତ୍ତି ଭାଗବଣ୍ଟାକୁ ନେଇ ବିବାଦ ଲାଗି ରହିଥିଲା । ଏହି ଘଟଣାର ସମାଧାନ କରିବାକୁ ବିଜୟ ଝିଅ ଘରକୁ ଆସିଥିଲେ ।

ଏହି ସମୟରେ ତାଙ୍କର ଜଣେ ସମ୍ପର୍କୀୟ ପ୍ରଶାନ୍ତ ବେହେରା ଆସି ଝଗଡା କରିବା ସହ ଧମକ ଦେଇଥିଲେ । ତେବେ ପୋଲିସ ଆସିବାରେ ବିଳମ୍ବ ହେବାରୁ ପ୍ରଶାନ୍ତ ଧରିଥିବା ବନ୍ଧୁକରୁ ଗୁଳିକରି ଚମ୍ପଟ ମାରିଥିଲା ବୋଲି ପରିବାର ଲୋକେ ଅଭିଯୋଗ କରିଛନ୍ତି । ମିଳିଥିବା ସୂଚନାରୁ ଅଭିଯୁକ୍ତ ଜଣଙ୍କ ଜଣେ ଅବସରପ୍ରାପ୍ତ ସେନା କର୍ମଚାରୀ ବୋଲିି ଜଣାପଡିଛି । ତେବେ ଅଭିଯୁକ୍ତଙ୍କୁ ପିଛାକରି ହିଞ୍ଜିଳି ନିକଟରେ ଅଭିଯୁକ୍ତଙ୍କୁ ଗିରଫ କରିଛି ପୋଲିସ ।