କାର୍ଗିଲର ବୀର ଯବାନଙ୍କୁ ଶ୍ରଦ୍ଧାଞ୍ଜଳି ଜଣାଇଲେ ମୋଦି
ନୂଆଦିଲ୍ଲୀ (ବଡ଼ ଖବର ବ୍ୟୁରୋ): ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ‘ମନ କି ବାତ୍’ର ୧୩୬ତମ ସଂସ୍କରଣ ମାଧ୍ୟମରେ ଦେଶବାସୀଙ୍କୁ ସମ୍ବୋଧିତ କରିଛନ୍ତି। ପ୍ରଥମେ କାର୍ଗିଲ ଯୋଦ୍ଧାଙ୍କୁ ଶ୍ରଦ୍ଧାଞ୍ଜଳି ଜଣାଇଥିଲେ। ଏହା ଆମର ବୀର ଯବାନ ମାନଙ୍କ ବୀରତ୍ବକୁ ମନେ ପକାଇବାର ଦିନ । କାର୍ଗିଲର ପ୍ରତିକୂଳ ସ୍ଥିତିରେ ଭାରତୀୟ ଯବାନଙ୍କ ବୀରତ୍ବର ପରାକାଷ୍ଠା ମନେ ରହିବ। ପ୍ରତିରକ୍ଷା କ୍ଷେତ୍ରରେ ଭାରତର ଆତ୍ମନିର୍ଭରତାକୁ ମୋଦିଙ୍କ ପ୍ରଶଂସା । ଏହି ଅବସରରେ ସେ କାର୍ଗିଲ୍ ବିଜୟ ଦିବସରେ ବୀର ସହିଦମାନଙ୍କୁ ଶ୍ରଦ୍ଧାଞ୍ଜଳି ଜଣାଇବା ସହ ଦେଶର ଯୁବଶକ୍ତି, ଆତ୍ମନିର୍ଭର ଭାରତ, ବିଜ୍ଞାନ ଓ ପ୍ରଯୁକ୍ତି, ସ୍ୱଦେଶୀ ପ୍ରତିରକ୍ଷା ଉତ୍ପାଦନ ଏବଂ କ୍ରୀଡ଼ା କ୍ଷେତ୍ରର ସଫଳତା ଉପରେ ବିସ୍ତୃତ ଭାବେ ଆଲୋକପାତ କରିଥିଲେ।ବିକ୍ରମ-୧ର ଲଞ୍ଚକୁ ଐତିହାସିକ ସଫଳତା କହିଲେ ପ୍ରଧାନମନ୍ତ୍ରୀ ମୋଦି। ଦେଶର ପ୍ରଥମ ପ୍ରାଇଭେଟ ରକେଟର ଲଞ୍ଚ ଏକ ବିରାଟ ସଫଳତା।
INS-ମହେନ୍ଦ୍ରଗିରି ଓ ବ୍ରହ୍ମୋସ ମିସାଇଲକୁ ପ୍ରଶଂସା କଲେ -INS-ମହେନ୍ଦ୍ରଗିରିର ୭୫ ପ୍ରତିଶତ ଯନ୍ତ୍ରାଂଶ ଭାରତରେ ନିର୍ମିତ -ସେହିପରି ସ୍ବଦେଶୀ ବ୍ରହ୍ମୋସ ମିସାଇଲ ରପ୍ତାନୀ କରୁଛି ଭାରତ । ଏହା ମେକ୍ ଇନ ଇଣ୍ଡିଆ ମୁଭମେଣ୍ଟକୁ ଆହୁରି ଗତିଶୀଳ କରିବ । ମନ୍ କି ବାତରେ ମହିଳା କ୍ରିକେଟ ଦଳର ପ୍ରଶଂସା କଲେ ମୋଦି । ଲର୍ଡ୍ସରେ ଇଂଲଣ୍ଡ ବିପକ୍ଷରେ ଐତିହାସିକ ବିଜୟ ହାସଲ କରିଥିଲା ଭାରତ । ପ୍ରଥମ ବିଶ୍ବକପ ଜିତିଥିବା ଭେନ୍ୟୁରେ ବିଜୟ ଆମ ପାଇଁ ଅତ୍ୟନ୍ତ ଗର୍ବର ମୂହୁର୍ତ୍ତ । ଜାପାନ ଓପନ ଜିତିଥିବା ସଟଲର ପି.ଭି. ସିନ୍ଧୁଙ୍କୁ ଶୁଭେଚ୍ଛା ଜଣାଇଲେ ମୋଦି । ପ୍ରଥମ ଭାରତୀୟ ଭାବେ ଜାପାନ ଓପନ ବ୍ୟାଡମିଣ୍ଟନ ବିଜୟୀ। ଗ୍ଲାସଗୋରେ ଅନୁଷ୍ଠିତ ରାଜ୍ୟଗୋଷ୍ଠୀ କ୍ରୀଡା ପାଇଁ ଆଥଲେଟଙ୍କୁ ଶୁଭେଚ୍ଛା ।