ସେବାୟତ ବିବାଦ, ଲିଙ୍ଗରାଜଙ୍କ ନୀତିକାନ୍ତି ବନ୍ଦ

ଭୁବନେଶ୍ୱର(ବଡ଼ ଖବର ବ୍ୟୁରୋ): ଶ୍ରାବଣ ପ୍ରଥମ ସୋମବାରରେ ଲିଙ୍ଗରାଜଙ୍କ ନୀତିକାନ୍ତି ବନ୍ଦ । ପୂଜାପଣ୍ଡା ସେବାୟତ-ବଡୁ ସେବାୟତଙ୍କ ବିବାଦରୁ ନୀତିକାନ୍ତି ବନ୍ଦ ।  ଟଙ୍କା ଭାଗବଣ୍ଟାକୁ ନେଇ ଉଭୟ ପକ୍ଷ ମଧ୍ୟରେ ବିବାଦ ସୂଚନା ।  ସୂଚନା ଅନୁଯାୟୀ, ଶ୍ରାବଣ ପାଉଣା ବଣ୍ଟନକୁ ନେଇ ବ୍ରାହ୍ମଣ ଓ ବଡୁ ସେବାୟତଙ୍କ ମଧ୍ୟରେ ବିବାଦ ସୃଷ୍ଟି ହୋଇଥିବାରୁ ରବିବାର ସନ୍ଧ୍ୟାରୁ ମହାପ୍ରଭୁଙ୍କ ନୀତିକାନ୍ତି ବନ୍ଦ ରହିଛି। ସୋମବାର ସକାଳେ ବଡୁ ସେବାୟତମାନେ ମନ୍ଦିରରେ ପହଞ୍ଚି ନିଜ ନିର୍ଦ୍ଧାରିତ ସେବା ସମ୍ପନ୍ନ କରିଥିଲେ ।

କିନ୍ତୁ ପୂଜାପଣ୍ଡା ସେବାୟତମାନେ ନୀତିରେ ସାମିଲ ହୋଇନଥିବାରୁ ବାବା ଲିଙ୍ଗରାଜଙ୍କର ନିୟମିତ ପୂଜା ହୋଇପାରିନଥିଲା । ତଥାପି ଭକ୍ତମାନଙ୍କ ଭିଡ଼ କମିନଥିଲା । ହଜାର ହଜାର କାଉଡ଼ିଆ ଓ ଶିବଭକ୍ତ ପୂଜା ବିନା ହିଁ ମହାଦେବଙ୍କ ନିକଟରେ ଜଳ ଅର୍ପଣ କରି ଦର୍ଶନ କରିଥିଲେ । ଶ୍ରାବଣର ପ୍ରଥମ ସୋମବାର ଶିବଭକ୍ତଙ୍କ ପାଇଁ ଅତ୍ୟନ୍ତ ପବିତ୍ର ଦିନ ହୋଇଥିବାରୁ ମନ୍ଦିରରେ ଅସାଧାରଣ ଭିଡ଼ ଜମିଥିଲା । କିନ୍ତୁ ଏଭଳି ନୀତି ବିଭ୍ରାଟ ଯୋଗୁଁ ଅନେକ ଭକ୍ତ ନିରାଶ ହୋଇଥିଲେ । ସେବାୟତମାନଙ୍କ ମଧ୍ୟରେ ବିବାଦ ଶୀଘ୍ର ସମାଧାନ କରି ସ୍ୱାଭାବିକ ପୂଜାନୀତି ଆରମ୍ଭ କରିବାକୁ ଭକ୍ତମାନେ ଦାବି କରିଛନ୍ତି ।