ତିର୍ତ୍ତୋଲରେ ବିଜେଡି ଆଗୁଆ

ଜଗତସିଂହପୁର(ବଡ଼ ଖବର ବ୍ୟୁରୋ): ତିର୍ତ୍ତୋଲ ଉପ ନିର୍ବାଚନ ଭୋଟ ଗଣତି ଜଗତସିଂହପୁର ଏସଭିଏମ କଲେଜରେ ଚାଲିଛି । ଏଥିପାଇଁ ଜିଲ୍ଲା ପ୍ରଶାସନ ପକ୍ଷରୁ ସମସ୍ତ ପ୍ରସ୍ତୁତି କରାଯାଇଛି । ଏସଭିଏମ କଲେଜ ଷ୍ଟ୍ରଙ୍ଗ ରୁମ ଥିବା ୩୭୩ ବୁଥର ସମସ୍ତ ଇଭିଏମକୁ ସିଲ କରାଯାଇ କଡା ସୁରକ୍ଷା ଭିତରେ ରଖାଯାଇଥିଲା । ସକାଳ ୮ଟାରେ ଇଭିଏମଗୁଡିକୁ ଷ୍ଟ୍ରଙ୍ଗ ରୁମରୁ ବାହାର କରାଯାଇ ଗଣତି କରାଯାଉଛି । ଏହି ଭୋଟ ଗଣତି କାର୍ୟ୍ୟ ପାଇଁ ୨ଟି ହଲ ରେ ୧୪ ଟି ଟେବୁଲର ବ୍ୟବସ୍ଥା କରାଯାଇଛି । ପୋଷ୍ଟାଲ ବାଲଟ ଗୋଟିଏ ହଲରେ ଗଣତି କରାଯାଇଥିଲା । ୭୦ଜଣ କର୍ମଚାରୀ ଭୋଟ ଗଣତି କରୁଛନ୍ତି । କଡା ସୁରକ୍ଷା ବ୍ୟବସ୍ଥା ଭିତରେ କରୋନା ନିୟମ ଅନୁସାରେ ଭୋଟ ଗଣତି କରାଯାଉଛି ବୋଲି ଜିଲ୍ଲାପାଳ ସୂଚନା ଦେଇଛନ୍ତି । ପ୍ରଥମ ରାଉଣ୍ଡ ଗଣତି ଶେଷ ସୁଦ୍ଧା ବିଜେଡି ଆଗରେ ରହିଛି । ବିଜେଡି ୩୮୫୨ ଭୋଟ ପାଇଥିବା ବେଳେ ବିଜେପି ୨୭୭୪, କଂଗ୍ରେସ ୪୪୨ ଓ ସିପିଆଇକୁ ମିଳିଛି ୬୨ ଭୋଟ ।