ଫୁଲୁଛି ସୁବର୍ଣ୍ଣରେଖା, ଜଳବନ୍ଦୀରେ ଗାଁ

ବାରିପଦା (ବଡ଼ ଖବର ବ୍ୟୁରୋ): ଫୁଲୁଛି ସୁବର୍ଣ୍ଣରେଖା। । ଜଳ ବନ୍ଦୀ ଭିତରେ ସାରସକଣା ବ୍ଲକର ନେଦା ଗାଁ। ଚଳିତ ବର୍ଷର ଏହା ହେଉଛି ଦ୍ଵିତୀୟ ବନ୍ୟା। ନଦୀରେ ଜଳ ସ୍ତର ବଢିବା ପରେ ଗ୍ରାମବାସୀ ପାଣି ଘେରରେ। ଝାଡ଼ଖଣ୍ଡ ରାଜ୍ୟର ଗାଲୁଡ଼ିହି ୧୦ଟି ଗେଟ, ଚାଣ୍ଡିଲ ୧୦ଟି ଗେଟ ଓ ଖଡ଼ଖାଇ ଡ୍ୟାମରେ ଜଳ ସ୍ତର ବଢିବା ପରେ ଗେଟ୍ ଖୋଲି ଦିଆଯାଇଛି। ଫଳରେ ସୁବର୍ଣ୍ଣରେଖା ନଦୀରେ ବନ୍ୟା ସ୍ଥିତି ଉପୁଜିଛି। ମୟୂରଭଞ୍ଜ ଜିଲ୍ଲା ଏବଂ ବ୍ଲକ ପ୍ରଶାସନ କାଲି ରାତିରେ ଗ୍ରାମକୁ ଆସି ସ୍ଥିତି ସମୀକ୍ଷା କରିଥିଲେ।

ବର୍ତ୍ତମାନ ବନ୍ୟା ସ୍ଥାନରେ ସାରସକଣା ବିଡ଼ିଓ, ଏଡିଏମ, ଜିଲ୍ଲା ସ୍ୱାସ୍ଥ୍ୟ ବିଭାଗ କର୍ମଚାରୀ ଉପସ୍ଥିତ ଅଛନ୍ତି। ବନ୍ୟା ମୁକାବିଲା, ଲୋକ ଓ ଧନଜୀବନ ବଞ୍ଚାଇବା ପାଇଁ ଏନଡିଆରଏଫ୍, ଓଡରାଫ ଓ ଅଗ୍ନିଶମ ବାହିନୀ ମୁତୟନ ରହିଛନ୍ତି । ପାଣି ଘେର ଭିତରେ ଥିବା ଲୋକଙ୍କୁ ସକାଳେ ରିଲିଫରେ ଶୁଖିଲା ଖାଦ୍ୟ ଦିଆଯାଇଛି ।