ଓମ୍ଫେଡ୍ ବଜାରକୁ ଆଣିବ ଆଇସକ୍ରିମ୍ ଓ ପାଣି
ଭୁବନେଶ୍ୱର (ବଡ଼ ଖବର ବ୍ୟୁରୋ): ଓଡ଼ିଶା ବଜାରକୁ ଆସିବ ଓମ୍ଫେଡ୍ ନୂଆ ସାମଗ୍ରୀ । ଓମ୍ଫେଡ୍ ବଜାରକୁ ଆଣିବ ଆଇସକ୍ରିମ୍ ଓ ପାଣି । ଏନେଇ ସୂଚନା ଦେଇଛନ୍ତି ମତ୍ସ୍ୟ ଓ ପ୍ରାଣୀସମ୍ପଦ ମନ୍ତ୍ରୀ ଗୋକୁଳାନନ୍ଦ ମଲ୍ଲିକ। ମନ୍ତ୍ରୀଙ୍କ ସୂଚନା ଅନୁସାରେ, ଓମ୍ଫେଡ୍ ପକ୍ଷରୁ ଆଇସକ୍ରିମ୍ ଓ ପାଣି ବଜାରକୁ ଆଣିବା ପାଇଁ ଯୋଜନା ରହିଛି। ତେବେ ଏହି ନୂଆ ସାମଗ୍ରୀ ବଜାରରେ ଉପଲବ୍ଧ ହେବା ପୂର୍ବରୁ ବୋର୍ଡର ଅନୁମୋଦନ ଆବଶ୍ୟକ ରହିଛି।
ବୋର୍ଡର ଅନୁମୋଦନ ମିଳିବା ପରେ ଓମ୍ଫେଡ୍ ଆଇସକ୍ରିମ୍ ଓ ପାଣି ବଜାରକୁ ଆଣିବ ବୋଲି ମନ୍ତ୍ରୀ କହିଛନ୍ତି। ଏହା ଫଳରେ ଦୁଗ୍ଧଜାତ ସାମଗ୍ରୀ ବ୍ୟତୀତ ଓମ୍ଫେଡ୍ର ଉତ୍ପାଦ ତାଲିକା ଆହୁରି ବ୍ୟାପକ ହେବାର ସମ୍ଭାବନା ରହିଛି। ଓଡ଼ିଶାରେ ଓମ୍ଫେଡ୍ର ଚାହିଦା ଥିବା ବେଳେ ନୂଆ ସାମଗ୍ରୀ ବଜାରକୁ ଆସିଲେ ଗ୍ରାହକଙ୍କୁ ଆହୁରି ଅଧିକ ବିକଳ୍ପ ମିଳିପାରିବ। ବିଶେଷକରି ଆଇସକ୍ରିମ୍ ଓ ପ୍ୟାକେଜ୍ଡ ପାଣି କ୍ଷେତ୍ରରେ ଓମ୍ଫେଡ୍ ପ୍ରବେଶ କଲେ ବଜାରରେ ଏହାର ପ୍ରତିଯୋଗିତା ବଢ଼ିବ। ତେବେ ବୋର୍ଡ ଅନୁମୋଦନ ପରେ ହିଁ ଏହି ଦୁଇଟି ନୂଆ ସାମଗ୍ରୀ ବଜାରକୁ ଆସିବ। ଏବେ ଓମ୍ଫେଡ୍ର ଆଇସକ୍ରିମ୍ ଓ ପାଣିକୁ ନେଇ ଗ୍ରାହକଙ୍କ ମଧ୍ୟରେ ଉତ୍ସୁକତା ବଢ଼ିଛି।