ତେଲେଙ୍ଗାନାରେ ଇ-ଭୋଟିଂ ଜରିଆରେ ଭୋଟ ଦେବେ ଭୋଟର

ହାଇଦ୍ରାବାଦ(ବଡ଼ ଖବର ବ୍ୟୁରୋ) ଏଣିକି ମୋବାଇଲ ଫୋନରେ ବି ଦେଇହବ ଭୋଟ । ଦୂରରେ ଥାଇ ମଧ୍ୟ ପ୍ରାର୍ଥୀ ଭୋଟ ଦେଇପାରିବେ । ତେଲେଙ୍ଗାନାରେ ଆଗକୁ ହେବାକୁ ଥିବା ନିର୍ବାଚନରେ ସରକାର ଏକ ବଡ ଧରଣର ପରିବର୍ତ୍ତନ କରିବାକୁ ଯାଉଛନ୍ତି । ଏଥର ନିର୍ବାଚନରେ ସ୍ମାଟଫୋନ ଜରିଆରେ ଇ-ଭୋଟିଂ ବ୍ୟବସ୍ଥା କରିଛନ୍ତି ତେଲେଙ୍ଗାନା ସରକାର । ଫୋନରେ ଏକ ସିଷ୍ଟମ ଡାଉନଲୋଡ କରି ଭୋଟରମାନଙ୍କୁ ମୋବାଇଲ ଫୋନ ମାଧ୍ୟମରେ ଭୋଟ ଦେବାକୁ ଅନୁମତି ଦିଆଯିବ ।

ତେବେ ଏହି ଆବଦେନକୁ ପରୀକ୍ଷା କରିବା ପାଇଁ ୨୦ ଅକ୍ଟୋବରରେ ଖମାମ ଜିଲ୍ଲାରେ ଏକ ଡମି ନିର୍ବାଚନ ଅନୁଷ୍ଠିତ ହେବ । ଜିଲ୍ଲାର ସମସ୍ତ ଯୋଗ୍ୟ ଭୋଟର ୮ ରୁ ୧୮ ଅକ୍ଟୋବର ପର୍ଯ୍ୟନ୍ତ ଏହି ଆପରେ ଆବେଦନ କରି ଏଥିରେ ଅଂଶଗ୍ରହଣ କରିପାରିବେ । ଏହି ଇ-ଭୋଟିଂ ସିଷ୍ଟମ ପଦକ୍ଷେପ ତେଲେଙ୍ଗାନା ନିର୍ବାଚନ ଆୟୋଗ ଦ୍ୱାରା ନିଆଯାଇଛି ଏବଂ ରାଜ୍ୟର ଆଇଟି ଇଲେକଟ୍ରୋନିକ୍ସ ଏବଂ ଯୋଗାଯୋଗ ବିଭାଗର ସହଯୋଗରେ ଉନ୍ନତି ଗଣନା କେନ୍ଦ୍ରର ବୈଷୟିକ ବିକାଶ ସହିତ ଏହାକୁ କାର୍ଯ୍ୟକାରୀ କରାଯାଇଛି ।

ଏହାକୁ ପ୍ରଥମେ ତେଲେଙ୍ଗାନା ସରକାର କାର୍ଯ୍ୟକାରୀ କରିବା ପାଇଁ ଯୋଜନା କରିଛନ୍ତି । ତେବେ ଏହି ଆପ ଦ୍ୱାରା ସଂଗୃହିତ ତଥ୍ୟକୁ ଅତିରିକ୍ତ ସୁରକ୍ଷା ବିଚାର ଭାବରେ ରାଜ୍ୟ ତଥ୍ୟ କେନ୍ଦ୍ରରେ ରଖାଯିବ । ରାଜ୍ୟ ନିର୍ବାଚନ କମିଶନର ସି ପ୍ରାର୍ଥ ସାରଥୀଙ୍କ ଅନୁଯାୟୀ, ରାଜ୍ୟରେ ନିର୍ବାଚନ ପ୍ରକ୍ରିୟାରେ ପରିବର୍ତ୍ତନ ଆଣିବା ନିହାତି ଆବଶ୍ୟକ୍ୟ । ଏବେ ଯଦି ଏହି ଇ-ଭୋଟିଂ ପ୍ରକ୍ରିୟା ଆରମ୍ଭ ହୁଏ ତେବେ ଭୋଟରମାନେ ସହଜରେ ନିଜର ମତଦାନ କରିପାରିବେ।