ମମତାଙ୍କୁ ମିଳିଲା ଫୁଟବଲ୍ ଖେଳାଳି ଚିହ୍ନ
ଦିଲ୍ଲୀ (ବଡ଼ ଖବର ବ୍ୟୁରୋ): ତୃଣମୂଳ କଂଗ୍ରେସର ଚିହ୍ନ ଓ ନାମକୁ ନେଇ ଚାଲିଥିବା ବିବାଦରେ ନିର୍ବାଚନ କମିଶନ ବଡ଼ ନିଷ୍ପତ୍ତି ନେଇଛନ୍ତି। ପଶ୍ଚିମବଙ୍ଗର ପୂର୍ବତନ ମୁଖ୍ୟମନ୍ତ୍ରୀ ମମତା ବାନାର୍ଜୀ ଓ ବିଦ୍ରୋହୀ ଗୋଷ୍ଠୀକୁ ପୃଥକ ନାମ ଓ ନିର୍ବାଚନୀ ଚିହ୍ନ ପ୍ରଦାନ କରାଯାଇଛି। ମମତା ବାନାର୍ଜୀଙ୍କ ଗୋଷ୍ଠୀକୁ ‘ମମତା ଅଲ୍ ଇଣ୍ଡିଆ ତୃଣମୂଳ କଂଗ୍ରେସ’ ନାମ ଦିଆଯାଇଥିବା ବେଳେ ନିର୍ବାଚନୀ ଚିହ୍ନ ଭାବେ ‘ଫୁଟବଲ୍ ଖେଳାଳି’ ଚିହ୍ନ ମିଳିଛି। ସେହିପରି ବିଦ୍ରୋହୀ ଗୋଷ୍ଠୀକୁ ‘ଡେମୋକ୍ରାଟିକ ତୃଣମୂଳ କଂଗ୍ରେସ’ ନାମ ସହ ‘ଲଫାପା’ ଚିହ୍ନ ଦିଆଯାଇଛି।
ଆସନ୍ତା ଉପନିର୍ବାଚନକୁ ଦୃଷ୍ଟିରେ ରଖି ନିର୍ବାଚନ କମିଶନ ମୂଳ ‘ମମତା ଅଲ୍ ଇଣ୍ଡିଆ ତୃଣମୂଳ କଂଗ୍ରେସ’ ନାମ ଓ ‘ଫୁଲ-ଘାସ’ ଚିହ୍ନର ବ୍ୟବହାର ଉପରେ ରୋକ ଲଗାଇଥିଲେ। ଏହାପରେ ଉଭୟ ଗୋଷ୍ଠୀ ନୂଆ ନାମ ଓ ଚିହ୍ନ ପାଇଁ ବିକଳ୍ପ ଦେଇଥିଲେ।
ଆୟୋଗ ଦୁଇ ଗୋଷ୍ଠୀଙ୍କୁ ନିଜ ପସନ୍ଦର ନୂଆ ନାମ ଓ ଉପଲବ୍ଧ ଚିହ୍ନ ମଧ୍ୟରୁ ବିକଳ୍ପ ବାଛିବାକୁ ନିର୍ଦ୍ଦେଶ ଦେଇଥିଲେ। ଆସନ୍ତା ଅକ୍ଟୋବର ୬ ରେ ରେଜିନଗର ଏବଂ ନନ୍ଦୀଗ୍ରାମ ବିଧାନସଭା ଆସନରେ ହେବାକୁ ଥିବା ଉପନିର୍ବାଚନରେ ଦୁଇ ଗୋଷ୍ଠୀ ଏହି ନୂଆ ନାମ ଓ ନିର୍ବାଚନ ଚିହ୍ନ ସହ ପ୍ରତିଦ୍ୱନ୍ଦ୍ୱିତା କରିବେ। ଏବେ ଦୁଇ ଗୋଷ୍ଠୀ ନୂଆ ପରିଚୟ ସହ ଆଗାମୀ ନିର୍ବାଚନୀ ଲଢ଼େଇରେ ମଇଦାନକୁ ଓହ୍ଲାଇବେ।