ଭୁବନେଶ୍ୱର (ବଡ଼ ଖବର ବ୍ୟୁରୋ): ସଂଗଠନକୁ ସୁଦୃଢ଼ କରିବା ପାଇଁ ବିଜେପି କେନ୍ଦ୍ରୀୟ ଟିମ୍ ବିଭିନ୍ନ ରାଜ୍ୟ ପାଇଁ ପ୍ରଭାରୀ ଓ ସହପ୍ରଭାରୀଙ୍କ ନାମ ତାଲିକା ଆଜି ଘୋଷଣା କରିଛି । ୩୬ଟି ସାଙ୍ଗଠନିକ ପ୍ରଦେଶ ପାଇଁ ଏହି ତାଲିକା ପ୍ରକାଶ କରାଯାଇଛି । ରାଷ୍ଟ୍ରୀୟ ମୁଖପାତ୍ର ସମ୍ବିତ ପାତ୍ରଙ୍କୁ ଦିଆଯାଇଛି ମଣିପୁର ଦାୟିତ୍ୱ । ଦିଲ୍ଲୀ ଓ ଆସାମ ଦାୟିତ୍ୱରେ ଅଛନ୍ତି ରାଷ୍ଟ୍ରୀୟ ଉପାଧ୍ୟକ୍ଷ ବୈଜୟନ୍ତ ପଣ୍ଡା । ଉତ୍ତରପ୍ରଦେଶର ପ୍ରଭାରୀ ଦାୟିତ୍ୱରେ ରାଧାମୋହନ ସିଂ ଥିବାବେଳେ ରାଜସ୍ଥାନ ଓ କର୍ଣ୍ଣାଟକ ପାଇଁ ଅରୁଣ ସିଂଙ୍କୁ ଦାୟିତ୍ୱ ମିଳିଛି । ତାମିଲନାଡ଼ୁ ଦାୟିତ୍ୱ ସିଟି ରବିଙ୍କ ଉପରେ ନ୍ୟସ୍ତ ଥିବାବେଳେ କେରଳ ସାଙ୍ଗଠନିକ ଦାୟିତ୍ୱ ବୁଝିବେ ସିପି ରାଧାକୃଷ୍ଣନ । କୈଳାସ ବିଜୟବର୍ଗୀୟଙ୍କୁ ମିଳିଛି ପଶ୍ଚିମବଙ୍ଗ ପ୍ରଭାରୀ ଦାୟିତ୍ୱ । ଓଡ଼ିଶାର ସହହପ୍ରଭାରୀ ଦାୟିତ୍ୱରେ ଅଛନ୍ତି ବିଜୟପାଲ ସିଂ ତୋମର ।
ଓଡ଼ିଶାରେ ବିଜେପିର ସଂଗଠନ ସେତେ ସୁଦୃଢ଼ ନାହିଁ । ଆଞ୍ଚଳିକ ଦଳ ବିଜେଡି ଦୀର୍ଘ ୨୦ ବର୍ଷ ଧରି ରାଜ୍ୟରେ ଶାସନ କରୁଛି । ବିଜେଡିକୁ ମାତ୍ ଦେବା ପାଇଁ ବିଜେପି କେନ୍ଦ୍ରୀୟ ସଂଗଠନ ବିଶେଷ ଗୁରୁତ୍ୱ ଦେଉଛି । ଡି ପୁରନ୍ଦେଶ୍ୱରୀଙ୍କୁ କେନ୍ଦ୍ରୀୟ ସଂଗଠନ ଓଡ଼ିଶା ପ୍ରଭାରୀ ଭାବେ ନିଯୁକ୍ତି ଦେଇଛି ।
