ବିପଦସଙ୍କୁଳ ଅବସ୍ଥାରେ ଥିବା ରାଜପ୍ରାସାଦର ପୁନରୁଦ୍ଧାର ପାଇଁ ଆନ୍ଦୋଳନ

ବାରିପଦା(ବଡ଼ ଖବର ବ୍ୟୁରୋ): ବିପଦସଙ୍କୁଳ ଅବସ୍ଥାରେ ଥିବା ମୟୂରଭଞ୍ଜ ରାଜପ୍ରାସାଦର ପୁନରୁଦ୍ଧାର ପାଇଁ ଭଂଜସେନା ର ଆନ୍ଦୋଳନ ।ମୟୂରଭଞ୍ଜ ଜିଲ୍ଲାର ବାରିପଦା ଠାରେ ଥିବା ରାଜପ୍ରାସାଦ ଆଜି ଜରାଜୀର୍ଣ୍ଣ ଅବସ୍ଥାରେ ରହିଛି। ସେଠାରେ ଦୀର୍ଘ ବର୍ଷ ହେଲା ଏମ ପି ସି ଜୁନିଅର କଲେଜ ର ପାଠ ପଢା ଚାଲିଥିବା ବେଳେ,ଛାତ୍ର ଛାତ୍ରୀ ଏବେ ବିପଦ ସଙ୍କୁଳ ଅବସ୍ଥାରେ ପାଠ ପଢୁଛନ୍ତି।

ଦୀର୍ଘ ବର୍ଷ ହେଲା ମରାମତି ଅଭାବ ରୁ ରାଜା ରାଜୁଡ଼ା ଅମଳର ସେଇ କୋଠା ଏବେ ଭାଙ୍ଗି ଯିବାକୁ ବସିଲାଣି।ଏହି ରାଜ ପ୍ରସାଦ ର ପୁନରୁଦ୍ଧାର ପାଇଁ ଭାଞ୍ଜସେନା ପୂର୍ବରୁ ବହୁବାର ଦାବି କରିଥିଲେ ମଧ୍ୟ ସରକାରୀ ବାବୁ ମାନେ କର୍ଣ୍ଣପାତ କରିନାହାନ୍ତି । ତେବେ ଏହା ମୟୂରଭଞ୍ଜ ଜିଲ୍ଲାର ହେରିଟେଜ୍ ବିଲ୍ଡିଂ ହେଇଥିବାରୁ ଏହାର ସମ୍ପୂର୍ଣ୍ଣ ପୁନରୁଦ୍ଧାର ଦାବିରେ ଆଜି ଭଂଜସେନା PWD କାର୍ୟ୍ୟାଳୟ ସମ୍ମୁଖରେ ଧାରଣା ରେ ବସିଥିଲେ। ତେବେ ସମ୍ପୂର୍ଣ୍ଣ ରାଜପ୍ରାସାଦର ପୁନରୁଦ୍ଧାର କରା ନ ଗଲେ ଭଞ୍ଜସେନା ଏହି ଆନ୍ଦୋଳନକୁ ଆଗକୁ ବ୍ୟାପକ ରଖିବ ବୋଲି କହିଛନ୍ତି ଭଞ୍ଜସେନା ର ସଭାପତି ପିଣ୍ଟୁ ମାଇତୀ ।