ଧର୍ମଶାଳା(ବଡ଼ ଖବର ବ୍ୟୁରୋ): କର୍କଟ ରୋଗରେ ଆକ୍ରାନ୍ତ ଦେଢ଼ ବର୍ଷର ଶିଶୁ, ଜୀବନ ମରଣ ସହିତ ଲଢ଼ୁଛି । ସହାୟତା ପାଇଁ ମୁଖ୍ୟମନ୍ତ୍ରୀଙ୍କୁ ଗୁହାରୀ କଲେ ପରିବାର ଲୋକେ । ଯାଜପୁର ଜିଲ୍ଲା ଧର୍ମଶାଳା ସିଙ୍ଗାପୁର ଗାଁର କୁଳମଣି ମହାଳିକଙ୍କ ପୁଅ ମହେଶ । ସାତ ମାସ ଧରି କର୍କଟ ରୋଗ ଆକ୍ରାନ୍ତ । ଚିକିତ୍ସାରେ ଅର୍ଥ ସାଜିଛି ବାଧକ ।
ବିଏସକେୱାଇ ଯୋଜନାରେ ମିଳିଥିବା ୫ ଲକ୍ଷ ମଧ୍ୟ ଚିକିତ୍ସାରେ ଖର୍ଚ୍ଚ ହୋଇସାରିଛି । ଏବେ ଆହୁରି ୫ ରୁ ୭ ଲକ୍ଷ ଟଙ୍କାର ଆବଶ୍ୟକତା ଅଛି । ତେଣୁ ପରିବାର ଲୋକେ ମୁଖ୍ୟମନ୍ତ୍ରୀଙ୍କ ରିଲିଫ ପାଣ୍ଠିକୁ ଚାହିଁ ବସିଛନ୍ତି। ଯଦି କୌଣସି ସହୃଦୟ ବ୍ୟକ୍ତି ଏହି ପିଲାଟିର ଜୀବନ ପାଇଁ ସାହାଯ୍ୟ କରିବାକୁ ଚାହୁଁ ଥିବେ ତେବେ ୯୬୬୮୨୨୦୪୭୪ରେ ଯୋଗାଯୋଗ କରି ପାରିବେ।
