ଜଙ୍ଗଲରୁ ଶକ୍ତିଶାଳୀ ଆଇଇଡି ବିସ୍ଫୋରକ ଠାବ

ବାଲିଗୁଡା (ବଡ଼ ଖବର ବ୍ୟୁରୋ): କନ୍ଧମାଳ ଜିଲ୍ଲା ଫିରିଙ୍ଗିଆ ବ୍ଲକ୍ ଗୋଚ୍ଛାପଡ଼ା ଥାନା ପାହିରେଜୁ ତିଳକପାଙ୍ଗା ଗାଁ ନିକଟ ଜଙ୍ଗଲରୁ ବିଏସ୍ଏଫ୍ ଯବାନମାନେ ବୁଧବାର ଏକ ଜୀବନ୍ତ ଆଇଇଡି ବିସ୍ଫୋରକ ଜବତ କରିଛନ୍ତି। ଦଳ ମାଓବାଦୀମାନେ ଜଙ୍ଗଲରେ ବୋମା ଏହି ବିସ୍ଫୋରକ ଖଞ୍ଜିଥିଲେ। ସର୍ଚ୍ଚ ଅପରେସନ୍ ବେଳେ ପାହିରେଜୁ ୯୯ ବିଏସଏଫ୍ ବାହିନୀ ଏହାକୁ ଠାବ କରିଥିଲା ।

ଖବର ପାଇ ବୋମା ନିଷ୍କ୍ରିୟକାରୀ ଦଳ ସେଠାରେ ପହଞ୍ଚି ମାଟି ତଳୁ ଏହି ଆଇଇଡିକୁ ସୁରକ୍ଷିତ ଭାବେ ଉଦ୍ଧାର କରିବା ସହ ନିଷ୍କ୍ରିୟ କରିଥିଲା । ବିଏସ୍ଏଫ୍ର ଗୁଇନ୍ଦା ସୂଚନା ପାଇଁ ଏକ ବଡ଼ଧରଣର ବିପଦରୁ ସୁରକ୍ଷାକର୍ମୀ ରକ୍ଷା ପାଇଥିବା କୁହାଯାଇଛି। ଏହି ଅଞ୍ଚଳରେ ମାଓ ଦମନ ପାଇଁ ସୁରକ୍ଷା ବ୍ୟବସ୍ଥା କଡ଼ାକଡ଼ି କରାଯିବ ବୋଲି ବିଏସଏଫର ବରିଷ୍ଠ ଅଧିକାରୀ ଏକ ପ୍ରେସ୍ ବିବୃତିରେ ସୂଚନା ଦେଇଛନ୍ତି।