ଦୁର୍ଘଟଣାରେ ଚାଲିଗଲା ଜୀବନ

ଲହୁଣୀପଡ଼ା, (ବଡ଼ ଖବର ବ୍ୟୁରୋ): ଶନିବାର ସକାଳୁ ଆସିଛି ଏକ ଦୁଃଖଦ ଖବର । ସୁନ୍ଦରଗଡ଼ ଜିଲ୍ଲା ଲହୁଣୀପଡା ଥାନା ମିଶ୍ରପାଲି ଛକ ନିକଟରେ ଘଟିଛି ମର୍ମନ୍ତୁଦ ସଡ଼କ ଦୁର୍ଘଟଣା । ଅଜଣା ଗାଡି ଧକ୍କାରେ ଜଣେ ବାଇକ୍ ଚାଳକଙ୍କ ମୃତ୍ୟୁ ହୋଇଛି । ମୃତକ ହେଲେ ବଲାଙ୍ଗ ଥାନା ଖରିଆବାହାଲ ଗାଁର କ୍ରିଷ୍ଣା ମାଝୀ । ଖରିଆବାହାଲ ବାଇକରେ ରାଉରକେଲା ଅଭିମୁଖେ ଯାଉଥିବା ବେଳେ ରାଜାମୁଣ୍ଡା ନିକଟରେ ଅଜଣା ଗାଡି ତାଙ୍କୁ ଧକ୍କା ଦେଇଥିଲା । ସ୍ଥାନୀୟଲୋକେ ଲହୁଣୀପଡା ପୋଲିସକୁ ଖବର ଦେଇଥିଲେ । ଘଟଣାସ୍ଥଳରେ ପହଞ୍ଚି ବାଇକ୍ ଜବତ କରିବା ସହ ମୃତଦେହକୁ ଉଦ୍ଧାର କରି ବ୍ୟବଚ୍ଛେଦ ଲାଗି ପଠାଇଦେଇଛି ପୋଲିସ । ମୃତକଙ୍କ ପରିବାରକୁ କ୍ଷତିପୂରଣ ଦେବା ଲାଗି ଦାବି କରିଛନ୍ତି ସ୍ଥାନୀୟ ଲୋକେ ।