ନୂଆଦିଲ୍ଲୀ (ବଡ଼ ଖବର ବ୍ୟୁରୋ): ଶୁକ୍ରବାର ରାତିରେ କଲସୋ ମିଲିଟାରୀ ବେସର କମାଣ୍ଡ ପୋଷ୍ଟରେ ଏକ ବଡ଼ ବିସ୍ଫୋରଣ ଘଟିଛି । କାଲସୋ ମିଲିଟାରୀ ବେସ୍ ବାଗଦାଦ ଠାରୁ ୫୦ କିଲୋମିଟର ଦୂରରେ ରହିଛି । ସୁରକ୍ଷା ସୂତ୍ରରୁ ପ୍ରକାଶ ଯେ, ଏହି ବିସ୍ଫୋରଣର କାରଣ ହେଉଛି ଏୟାର ଷ୍ଟ୍ରାଇକ୍ । ଏହି ଆକ୍ରମଣରେ ଜଣେ ପିଏମଏଫ ଫାଇଟରଙ୍କ ମୃତ୍ୟୁ ହୋଇଥିବାବେଳେ ୬ ଜଣ ଯବାନ ଆହତ ହୋଇଛନ୍ତି । ସେମାନଙ୍କୁ ହିଲା ସହରର ଏକ ଡାକ୍ତରଖାନାରେ ଭର୍ତ୍ତି କରାଯାଇଛି ।
ନ୍ୟୁଜ୍ ଏଜେନ୍ସି ରଏଟର୍ସ ରିପୋର୍ଟ ଅନୁଯାୟୀ, ପିଏମଏଫ ଏକ ବିବୃତ୍ତିରେ କହିଛି ଯେ ବିସ୍ଫୋରଣ ହେତୁ ବେସରେ ଥିବା ଜିନିଷ ନଷ୍ଟ ହୋଇଯାଇଛି । କିଛି ଲୋକ ମଧ୍ୟ ଆହତ ହୋଇଛନ୍ତି । ଏହାସହ ଏକ ଟିମ୍ ଏହି ଘଟଣାର ତଦନ୍ତ କରୁଛନ୍ତି । ଏୟାର ଷ୍ଟ୍ରାଇକ ପଛରେ କିଏ ଅଛନ୍ତି ତାହା ଏପର୍ଯ୍ୟନ୍ତ ଜଣା ପଡିନାହିଁ । ଜଣେ ଆମେରିକୀୟ ଅଧିକାରୀ କହିଛନ୍ତି ଯେ ଇରାକରେ କୌଣସି ଆମେରିକୀୟ ସାମରିକ କାର୍ଯ୍ୟକଳାପ କରାଯାଇ ନାହିଁ ।
ଇସ୍ରାଏଲ ଉପରେ ଆକ୍ରମଣର ସନ୍ଦେହ କରାଯାଉଥିବା ସୂଚନା ମିଳୁଛି । ଶୁକ୍ରବାର ଇସ୍ରାଏଲ ଇରାନ ଉପରେ ଆକ୍ରମଣ କରିଥିଲା । ଏହାର ଆକ୍ରମଣ କିଛି ଦିନ ପୂର୍ବରୁ ଇରାନର ଡ୍ରୋନ୍-ମିସାଇଲ୍ ଆକ୍ରମଣର ଜବାବରେ ଆସିଥିଲା । ଏହି କାରଣରୁ ଇରାକର ସାମରିକ ବେସ ଉପରେ ହୋଇଥିବା ଆକ୍ରମଣରେ ଇସ୍ରାଏଲର ହାତ ଥିବା କୁହାଯାଉଛି । ଇରାକ ଇରାନର ଅତି ନିକଟତର । ଏହା ବ୍ୟତୀତ ପିଏମଏଫର ଇରାନ ସେନା ସହିତ ମଧ୍ୟ ଘନିଷ୍ଠ ସମ୍ପର୍କ ରହିଛି ।
