Before Header

ଭାରୀଯାନବାହନ ଚଳାଚଳକୁ ନେଇ ବିବାଦ

0 34

ଛେଣ୍ଡିପଦା (ବଡ଼ ଖବର ବ୍ୟୁରୋ): ଅନୁଗୁଳ ଜିଲ୍ଲା ଛେଣ୍ଡିପଦା ବ୍ଲକ କୋଶଳା-କମ୍ପସଲା ରାସ୍ତାରେ ଭାରୀଯାନବାହନ ଚଳାଚଳକୁ ନେଇ ଗ୍ରାମବାସୀ ଓ ଗାଡିଚାଳକଙ୍କ ମଧ୍ୟରେ ଉତ୍ତେଜନା ଦେଖିବାକୁ ମିଳିଛି । ଚାଙ୍ଗୁଡିଆ ଗାଁ ଦେଇ ପ୍ରତ୍ୟେକ ଦିନ ବାଲି ବୋଝେଇ ଭାରୀଯାନ ଯାତାୟତ କରୁଛି । ଫଳରେ ଉକ୍ତ ରାସ୍ତାଟି ଦିନକୁ ଦିନ ଖରାପ ହେବାକୁ ବସିଲାଣି । ଗ୍ରାମବାସୀ ଯିବା ଆସିବାରେ ବହୁ ଅସୁବିଧାର ସମ୍ମୁଖିନ ହେଉଛନ୍ତି । ଏନେଇ ଅକ୍ଟୋବର ୧୦ତାରିଖରେ ଚାଙ୍ଗୁଡିଆ ଗ୍ରାମବାସୀ ସକାଳ ୬ଟାରୁ ୧୦ଟା ପର୍ୟ୍ୟନ୍ତ ଗାଁ ପାଖରେ ଭାରୀଯାନ ସହ ବାଲିବୋଝେଇ ଗାଡିଗୁଡିକୁ ଅଟକାଇ ଥିଲେ । ଖବର ପାଇ ଛେଣ୍ଡିପଦା ତହସିଲଦାରଙ୍କ ନିର୍ଦ୍ଦେଶରେ ପୁଲିସ ଘଟଣାସ୍ଥଳରେ ପହଁଚି ଅଟକ ଥିବା ଗାଡିଗୁଡିକୁ ଛାଡିଥିଲେ । ପୁନର୍ବାର ଗାଡିଗୁଡିକୁ ଅଟକ ରଖାଗଲେ ବିହିତ କାର୍ୟ୍ୟାନୁଷ୍ଠାନ ନିଆଯିବ ବୋଲି ଛେଣ୍ଡିପଦା ପୁଲିସ କହିଥିଲା ।

ଦିବାରାତ୍ର ଭାରୀଯାନ ଯିବା ଆସିବା କରିବାରୁ ରାସ୍ତାର ଅବସ୍ଥା ଶୋଚନୀୟ ହୋଇପଡୁଛି । ଏପରିକି ଯାନବାହନ ଗୁଡିକ ଲମ୍ବା ଧାଡିରେ ଯାଉଥିବାରୁ ଛୋଟ ବଡ ଦୁର୍ଘଟଣା ଘଟୁଛି । ଏ ନେଇ ଗ୍ରାମବାସୀଙ୍କ ପକ୍ଷରୁ ସମସ୍ୟାର ସମାଧାନ ପାଇଁ ଛେଣ୍ଡିପଦା ତହସିଲଦାର, ବିଡିଓ, ଥାନା ଅଧିକାରୀ ଓ ଆରଟିଓଙ୍କୁ ଲିଖିତ ଆକାରରେ ଜଣାଇ ଦିଆଯାଇଥିଲେ । ଏକ ସପ୍ତାହ ବିତିଯାଇଥିଲେ ମଧ୍ୟ ପ୍ରଶାସନ ପକ୍ଷରୁ କୌଣସି ପଦକ୍ଷେପ ନିଆଯାଇ ନାହିଁ। ଗ୍ରାମବାସୀ ଓ ଗାଡି ଚାଳକଙ୍କ ମଧ୍ୟରେ ବାରମ୍ବାର ଯୁକ୍ତିତର୍କ ସହ ଉତ୍ତେଜନା ପରିସ୍ଥିତି ସୃଷ୍ଟି ହେଉଛି । ଏ ନେଇ ଜୈନେକ ଗାଡି ଚାଳକ ଚାଙ୍ଗୁଡିଆ ଗ୍ରାମରେ ଗାଡି ଅଟକାଇ ଚାନ୍ଦା ଆଦାୟ କରୁଥିବା ଛେଣ୍ଡିପଦା ଥାନାରେ ଲିଖିତ ଅଭିଯୋଗ କରିଥିଲେ । ଫଳରେ ପୋଲିସ ୧୧ଜଣ ଗ୍ରାମବାସୀଙ୍କ ନାମରେ ମାମଲା ରୁଜୁ କରିଛି । ଏହାର ପ୍ରତିବାଦରେ ଚାଙ୍ଗୁଡିଆ ଗ୍ରାମର ଶତାଧିକ ପୁରୁଷ ଓ ମହିଳା ଛେଣ୍ଡିପଦା ଥାନା ଘେରାଉ କରିଛନ୍ତି । ଏ ନେଇ ପ୍ରଶାସନ ପକ୍ଷରୁ କୌଣସି ପଦକ୍ଷେପ ନିଆଯାଉ ନଥିବାରୁ ବହୁ ଗ୍ରାମବାସୀ ଅସୁବିଧାର ସମ୍ମୁଖୀନ ହେଉଥିବା ବେଳେ ଉନ୍ନୟନମୂଳକ କାର୍ୟ୍ୟରେ ବାଧା ଉପୁଜୁଛି । ଏଣୁ ପ୍ରଶାସନ ପକ୍ଷରୁ ତୁରନ୍ତ ଏହାର ସମାଧନ ପାଇଁ ଦାବି ହେଉଛି ।

Leave A Reply

Your email address will not be published.