ଅଜିତ ପାୱାର ଏନସିପିର ନେତା, ଆମ ଦଳରେ କୌଣସି ଫାଟ ନାହିଁ : ସୁପ୍ରିୟା ସୁଲେ

ମୁମ୍ବାଇ (ବଡ଼ ଖବର ବ୍ୟୁରୋ): ଏନସିପି ନେତ୍ରୀ ଝିଅ ସୁପ୍ରିୟା ସୁଲେଙ୍କ ବୟାନ । କହିଛନ୍ତି ଏନସିପିରେ କୌଣସି ଫାଟ ନାହିଁ । କେବଳ ଏତିକି ନୁହେଁ ଅଜିତ ପାୱାର ହେଉଛନ୍ତି ଦଳର ବରିଷ୍ଠ ନେତା । ଯାହାକୁ ନେଇ ମହାରାଷ୍ଟ୍ର ରାଜନୀତି ସରଗରମ ହୋଇଛି । ପୁଣେର ଏକ କାର୍ଯ୍ୟକ୍ରମରେ ସାମିଲ ହୋଇ ସୁପ୍ରିୟା କହିଛନ୍ତି, ଏନସିପିରେ କୌଣସି ଫାଟ ନାହିଁ, ବାସ କିଛି ନେତା ଭିନ୍ନ ଷ୍ଟାଣ୍ଡ ନେଇଛନ୍ତି ।

ଏନେଇ ବାଚସ୍ପତିଙ୍କ ପାଖରେ ଅଭିଯୋଗ କରିଛୁ । ଶରଦ ପାୱାର ଏବେ ବି ଆମ ଦଳର ରାଷ୍ଟ୍ରୀୟ ଅଧ୍ୟକ୍ଷ ଓ ଜୟନ୍ତ ପାଟିଲ ରାଜ୍ୟ ସଭାପତି ଅଛନ୍ତି । ଗତ ୨ ଜୁଲାଇରେ ଅଜିତ ପାୱାରଙ୍କ ଗୋଷ୍ଠୀ ସିନ୍ଦେ ସରକାରକୁ ସମର୍ଥନ ଦେଇଥିଲେ । ଯାହାକୁ ମହାରାଷ୍ଟ୍ରରେ ରାଜନୈତିକ ଭୂକମ୍ପ ହୋଇଥିଲା ।