ଦିବ୍ୟାଙ୍ଗ ହୋଇ ବି ସକ୍ଷମଙ୍କ ଠାରୁ ଢେର ଆଗରେ ସାଗରୀ

ଜଗନ୍ନାଥ ପ୍ରସାଦ(ବଡ଼ ଖବର ବ୍ୟୁରୋ): କଥାରେ ଅଛି ଦୃଢ ଶକ୍ତି ଆଉ କଠୋର ପରିଶ୍ରମ ଆଗରେ ସବୁକିଛି ସମ୍ଭବ। ଅଭାବ ଅନାଟନରେ ଥିଲେ ବି  ସେ କେବେବି ଭାଙ୍ଗି ଯାଇନାହାନ୍ତି । ଏମିତି ଜଣେ ସୁନା ଝିଅଙ୍କ ବିଷୟରେ ଜାଣନ୍ତୁ ଯିଏ କି ଜଣେ ଦିବ୍ୟାଙ୍ଗ ହୋଇ ବି ସକ୍ଷମଙ୍କ ଠାରୁ ଢେର ଆଗରେ।

କୁନି କୁନି ପିଲାଙ୍କ ଭବିଷ୍ୟତ ଗଢିବା ଲକ୍ଷରେ ଭଙ୍ଗା ଟ୍ରାଇ ସାଇକେଲରେ ଆରମ୍ଭ ହୁଏ ତାଙ୍କ ଦିନ। କାହା ଉପରେ ନିର୍ଭର ନ କରି ନିଜେ ସ୍ୱାବଲମ୍ବୀ ହୋଇ ଅନ୍ୟ ମାନଙ୍କ ପାଇଁ ସେ ପାଲଟିଛନ୍ତି ସ୍ୱତନ୍ତ୍ର ଉଦାହରଣ ।

ଗଞ୍ଜାମ ଜିଲ୍ଲା ଜଗନ୍ନାଥ ପ୍ରସାଦ ବ୍ଲକର ଅଲାଡି ଗ୍ରାମର ଦୟାନିଧି ସ୍ୱାଇଁଙ୍କ ବଡ଼ ଝିଅ ସାଗରୀ ସ୍ୱାଇଁ । ଜନ୍ମରୁ ପୋଲିଓ ରେ ଦୁଇ ଗୋଡ଼ ବଙ୍କା। ଯିବା ଆସିବା କରିବା ତାଙ୍କ ପାଇଁ ବହୁତ କଷ୍ଟ । ପାଠ ପଢିବା ପଢ଼ାଇବା ତାଙ୍କର ସଉକ । ବାପା ଅନ୍ୟ ଜିଲ୍ଲାରେ   ଦାଦନ ଖଟନ୍ତି । ଭାଇ ଭଉଣୀ ଚାରି ।  ଭଲ ମାର୍କ ରଖି ପାସ ହେବା ପରଠାରୁ ଗାଁରେ କୁନି ପିଲାମାନଙ୍କୁ ପାଠ ପଢାନ୍ତି । ଦିଦି ସହଜ ସରଳ ରେ ସବୁ ପାଠକୁ ଟିକିନିକ ବୁଝେଇ ପାରୁଥିବା ପିଲାଏ କହନ୍ତି ।  ଭତ୍ତା ଓ ଚାଉଳ ପାଇଁ ନୁହଁ ଯଦି ଛୋଟିଆ ସରକାରୀ ଚାକିରୀ ଖଣ୍ଡିକ  ମିଳନ୍ତା ତେବେ ସେ ଖୁସି ହୁଅନ୍ତେ ବୋଲି କହିଛନ୍ତି ସାଗରୀ ।