ଆଜିଠୁ ନିଷ୍ପେସିତ ଜନତାର ମୁଖପତ୍ର ହେବ ‘ବଡ଼ ଖବର’

ଭୁବନେଶ୍ୱର, (ବଡ଼ ଖବର ବ୍ୟୁରୋ): ଦୀର୍ଘ ପ୍ରତିକ୍ଷାର ଅନ୍ତ ଘଟିଛି । ୨୪ ଘଣ୍ଟିଆ ସ୍ୟାଟେଲାଇଟ ଓଡ଼ିଆ ନ୍ୟୁଜ ଚ୍ୟାନେଲ ‘ବଡ଼ ଖବର’ ଉଦଘାଟିତ ହୋଇଯାଇଛି । ଏଣିକି ସାଧାରଣ ଲୋକଙ୍କ ସ୍ୱର ଏହି ଚ୍ୟାନେଲରେ ଶୁଭିବ । ଚାପକୁ ଅଣଦେଖା କରି ଓ ଭୟକୁ ବେଖାତିର କରି ସାମ୍ବିଧାନିକ କ୍ଷମତାରେ ଥିବା ଲୋକଙ୍କୁ ସାଧାରଣ ଲୋକର ପ୍ରଶ୍ନ ଏବେ ପଚାରିବାର ବେଳ ଆସିଛି । ଅସହାୟ ଓ ନିଷ୍ପେସିତ ଜନତାର ଆଶାର ଆଲୋକ ‘ବଡ଼ ଖବର’ ଲୋକଙ୍କ ସହିତ ରହିବ । ଲୋକଙ୍କ ସମସ୍ୟା ବୁଝିବ । ଲୋକଙ୍କ କଥା କହିବ ଆଉ ଲୋକଙ୍କ ପ୍ରଶ୍ନ ପଚାରିବା ପାଇଁ କେବେ ହେଲେ ପଛଘୁଞ୍ଚା ଦେବନାହିଁ । ଲୋକଙ୍କ ଚ୍ୟାନେଲ ‘ବଡ଼ ଖବର’ ପ୍ରସାରଣ କରିବ ଦରଦୀ ମଣିଷର ଅକୁହା କଥା । ନିଷ୍ପେସିତ ଲୋକର ମନର ବ୍ୟଥା ।

ଏହି ୨୪ ଘଣ୍ଟିଆ ସ୍ୟାଟେଲାଇଟ ନ୍ୟୁଜ୍ ଚ୍ୟାନେଲର ଲୋଗୋ ଉନ୍ମୋଚନ ସମୟରେ ସମ୍ପାଦକ ଅର୍ଦ୍ଧେନ୍ଦୁ ଦାସ ଯେଉଁ ପ୍ରତିଶ୍ରୁତି ଦେଇଥିଲେ ଏବେବି ସେଥିରୁ ବିଚ୍ୟୁତ ହୋଇନାହାନ୍ତି ।