ବାଗେଶ୍ୱର ବାବାଙ୍କୁ ରାଜକୋଟରୁ ଆସିଲା ଖୋଲା ଚ୍ୟାଲେଞ୍ଜ

ଅହମଦାବାଦ (ବଡ଼ ଖବର ବ୍ୟୁରୋ): ଅନେକ ସମୟ ଧରି ଚର୍ଚ୍ଚାରେ ରହି ଆସୁଥିବା ବାଗେଶ୍ୱର ଧାମର ପୀଠାଧୀଶ୍ୱର ଧୀରେନ କୃଷ୍ଣ ଶାସ୍ତ୍ରୀଙ୍କ ଗୁୁଜରାଟ ଆଗମନ ପୂର୍ବରୁ ଆସିଲା ଖୋଲା ଚ୍ୟାଲେଞ୍ଜ । ବାଗେଶ୍ୱର ଧାମର ସରକାର ଗୁଜରାଟ ଆସିବାର ଅଛି । ଏହାରି ମଧ୍ୟରେ ତାଙ୍କୁ ସୁରଟ , ଅହମ୍ମଦାବାଦ ଓ ରଜକୋଟରେ କାର୍ଯ୍ୟକ୍ରମ କରିବାର ଅଛି । କିନ୍ତୁ ରାଜକୋଟରେ ବାବାଙ୍କର ଦିବ୍ୟ ଦରବାରର ଆୟୋଜନ ମଧ୍ୟରେ ବାବାଙ୍କୁ ଖୋଲା ଚ୍ୟାଲେଞ୍ଜ ଦିଆଯାଇଛି । ଏହାରି ମଧ୍ୟରେ ବାଗେଶ୍ୱର ବାବାଙ୍କୁ ଖୋଲା ଚ୍ୟାଲେଞ୍ଜରେ କୁହାଯାଇଛି ସେ କୁହନ୍ତୁ କି ରାଜକୋଟ୍ରେ ନିଶା କେଉଁଠାରୁ ଆସୁଛି ଓ କାହା ନିଦେ୍ର୍ଦଶରେ ଆସୁଛି? ଏହି ପ୍ରଶ୍ନର ଉତ୍ତର ଦେଲେ ବାବାଙ୍କ ପାଇଁ ୫ ଲକ୍ଷ ଟଙ୍କା ପୁରସ୍କାର ଘୋଷଣା କରାଯାଇଛି । ରାଜକୋଟରେ ବାଗେଶ୍ୱର ବାବାଙ୍କ ଦିବ୍ୟ ଦରବାର ଜୁନ୍ ଆରମ୍ଭରେ ରେସକୋର୍ସ ଗ୍ରାଉଣ୍ଡରେ ଅନୁଷ୍ଠିତ ହେବ । ଏହି ଖୋଲା ଚ୍ୟାଲେଞ୍ଜ ପୁରୁଷୋତ୍ତମ ପିପଲିଆ ଧୀରେନ୍ଦ୍ର ଶାସ୍ତ୍ରୀଙ୍କୁ ଦେଇଛନ୍ତି । ପିପଲିଆ ନିଜ ଫେସବୁକ ଆକାଉଣ୍ଟରେ ଚାରୋଟି ଭିନ୍ନ ପୋଷ୍ଟ କରିଛନ୍ତି ।