ଆଇଆରସିଟିସିରେ ହୋଇପାରୁନି ବୁକିଂ
ନୂଆଦିଲ୍ଲୀ (ବଡ଼ ଖବର ବ୍ୟୁରୋ): ମଙ୍ଗଳବାର ସକାଳେ ଟ୍ରେନ ଯୋଗେ ଯାତ୍ରା କରୁଥିବା ଲକ୍ଷ ଲକ୍ଷ ଲୋକଙ୍କ ସାମ୍ନାରେ ଏକ ବଡ ସମସ୍ୟା ଉପୁଜିଥିଲା ।ଯେତେବେଳେ ଆଇଆରସିଟିସି ସାଇଟରୁ ଟିକେଟ ବୁକିଂ କରିବାରେ ଅସୁବିଧା ହୋଇଥିଲା । ଯାତ୍ରୀ ମାନେ ଟିକେଟ ପାଇଁ ଚେଷ୍ଟା କରିଥିଲେ ମଧ୍ୟ ସେମାନଙ୍କ ଟିକେଟ ବୁକ ହୋଇନଥିଲା । ଅନେକ ଯାତ୍ରୀଙ୍କ ଟଙ୍କା ମଧ୍ୟ କଟାଯାଇଥିଲା ହେଲେ ଟିକେଟ ହୋଇପାରିନଥିଲା । ଏହା ପରେ ବହୁ ସଂଖ୍ୟକ ଲୋକ ସୋସିଆଲ ମିଡିଆରେ ଆଇଆରସିଟିସି ଏବଂ ରେଲୱେକୁ ଟ୍ୟାଗକରି ଅନେକ ଅଭିଯୋଗ ଆଣିଥିଲେ ।ଏହାର ଜବାବରେ ରେଳବାଇ କହିଛି ଯେ କିଛି ବୈଷୟିକି ତ୍ରୁଟି ହେତୁ ଏହି ପ୍ରକାର ର ପରିସ୍ଥିତି ଦେଖାଦେଇଛି । ଶୀଘ୍ର ଏହି ସମସ୍ୟାର ସମାଧାନ ହୋଇଯିବ । ସେ ପର୍ଯ୍ୟନ୍ତ ଯାତ୍ରୀମାନେ ଦିଶା ଚାଟବଟ୍ ମାଧ୍ୟମରେ ଟିକେଟ ବୁକିଂ କରିିପାରିବେ ।