ଆନ୍ଧ୍ର ନିର୍ବାଚନକୁ ଓଡ଼ିଆ ପ୍ରାର୍ଥୀଙ୍କ ନା

ପାରଳାଖେମୁଣ୍ଡି (ବଡ଼ ଖବର ବ୍ୟୁରୋ): ବଡ଼ ଖବରର ବଡ଼ ପ୍ରଭାବ । ଗଜପତି ଜିଲ୍ଲାର ସୀମାନ୍ତ ଗାଁ ଗୁଡିକରେ ଆନ୍ଧ୍ର ନିର୍ବାଚନକୁ ଓଡିଆ ପ୍ରାର୍ଥୀମାନେ ବର୍ଜନ କରିବା ଆରମ୍ଭ କଲେଣି । ଗଜପତି ଜିଲ୍ଲା ପ୍ରଶାସନର ହସ୍ତକ୍ଷେପ ପରେ ନିର୍ବାଚନରୁ ଓହରିଲେ ପ୍ରାର୍ଥୀନି । ଗଜପତି ଜିଲ୍ଲା ରାୟଗଡ଼ ପଂଚାୟତ ମାଣିକପାଟଣା ଗାଁର ୱାର୍ଡମେମ୍ବର ପ୍ରାର୍ଥୀନି ଲକ୍ଷ୍ମୀ ଶବର ପ୍ରାର୍ଥିପତ୍ର ପ୍ରତ୍ୟାହାର କରିଛନ୍ତି । ଗଜପତି ଜିଲ୍ଲା ରାୟଗଡ଼ ବ୍ଲକ ଗଙ୍ଗାବାଡ ପଂଚାୟତର ୬ଟି ଗାଁରେ ପଂଚାୟତ ନିର୍ବାଚନ କରିବା ପାଇଁ ଚେଷ୍ଟା କରୁଛି ଆନ୍ଧ୍ର ।

ଓଡିଶା ପ୍ରଶାସନ ହସ୍ତକ୍ଷେପ କଲାପରେ ପ୍ରାର୍ଥୀନି ପ୍ରାର୍ଥିପତ୍ର ପ୍ରତ୍ୟାହାର କରିଛନ୍ତି । ସେପଟେ ପ୍ରାର୍ଥିପତ୍ର ପ୍ରତ୍ୟାହାର କରିବା ପରେ ଧନ୍ୟବାଦ ଜଣାଇଛନ୍ତି ବଡ଼ ଖବରର ମୁଖ୍ୟ ସମ୍ପାଦକ ଅର୍ଦ୍ଧେନ୍ଦୁ ଦାସ । ଲକ୍ଷ୍ମୀ ଶବର ଅନ୍ୟ ଜିଲ୍ଲାର ପ୍ରାର୍ଥୀଙ୍କ ପାଇଁ ପାଲଟିଛନ୍ତି ଉଦାହରଣ ।