ଦେଶ ଛାଡ଼ିବେ ଅନୀଲ ଦେଶମୁଖ !

ମୁମ୍ବାଇ(ବଡ଼ ଖବର ବ୍ୟୁରୋ): ମହାରାଷ୍ଟ୍ରର ପୂର୍ବତନ ଗୃହମନ୍ତ୍ରୀ ଅନୀଲ ଦେଶମୁଖଙ୍କ ଅଡ଼ୁଆ ବଢିବାରେ ଲାଗିଛି । ଏହା ମଧ୍ୟରେ ଦେଶମୁଖ ଦେଶ ଛାଡି ଯିବାକୁ ଯୋଜନା କରୁଥିବାର କଥା ସାମ୍ନାକୁ ଆସିଛି । ଏନେଇ ଏନଫୋର୍ସମେଣ୍ଟ ନିର୍ଦ୍ଦେଶାଳୟ ତାଙ୍କ ବିରୋଧରେ ଏକ ଲୁକଆଉଟ ନୋଟିସ ଜାରି କରିଛନ୍ତି । ଏପରି କରିବା ଦ୍ୱାରା ଅନୀଲ ଆଉ ଦେଶ ଛାଡି ଯାଇପାରିବେ ନାହିଁ ।

ଅପରପକ୍ଷରେ ଦେଶମୁଖଙ୍କ ବିରୋଧରେ ମୁମ୍ବାଇର ପୂର୍ବତନ କମିଶନର ପରମବୀର ସିଂହ ୧୦୦ କୋଟି ଟଙ୍କା ବଟି ମାଗିଥିବାର ଅଭିଯୋଗ କରିଥିଲେ । ଏହା ସହ ପୁଲିସ କର୍ମଚାରୀଙ୍କୁ ଦୁର୍ବ୍ୟବହାର କରିବା, ଚୋରା ଚାଲାଣ କରିବା ଏବଂ ଟ୍ରାନ୍ସପୋଷ୍ଟିଂରେ ହସ୍ତକ୍ଷେପ କରିବା ଭଳି ଅଭିଯୋଗ ଅନୀଲଙ୍କ ବିରୋଧରେ କରାଯାଇଥିଲା । ଏହା ପରେ ଅନୀଲ ନିଜ ଗୃହମନ୍ତ୍ରୀ ପଦରୁ ଇସ୍ତଫା ଦେଇଥିଲେ ।