ପୋଲିସ ହାବୁଡରେ ଆନ୍ତଃରାଜ୍ୟ ଡକାୟତ ଗ୍ୟାଙ୍ଗ

ବଲାଙ୍ଗୀର (ବଡ଼ ଖବର ବ୍ୟୁରୋ): ପୋଲିସ ହାବୁଡରେ ଆନ୍ତଃରାଜ୍ୟ ଡକାୟତ ଗ୍ୟାଙ୍ଗ । ବଲାଙ୍ଗିର ଜିଲ୍ଲାରେ ଡକାୟତ ଘଟଣାରେ ୯ ଜଣକୁ ବାନ୍ଧିଛି ପୋଲିସ । ଗିରଫ ଡକାୟତମାନେ ହେଲେ ମଧ୍ୟପ୍ରଦେଶର ରିତିକ୍ ଚୌହାନ, କ୍ରୀଷ୍ଣା ପିଂପଲ୍, ରବି ଭେଲିଆ, ସକ୍ଲାଲ ସି, ରାଜୁ ପୱାହର, ବଣ୍ଟୁ ଦେହେଲିଆ ଓ ମହାରାଷ୍ଟ୍ରର ନିଲେଶ ଦୀପକ ଓ ଅକ୍ଷୟ ଲାଲିଯୁ ଚୌହାନ ଏବଂ ଓଡ଼ିଶା ବରଗଡ଼ ଜିଲ୍ଲାର ଗୋପର୍ଜନ ପୃଷ୍ଟି ।

ତାସହ ୧୬୦ ଗ୍ରାମରୁ ଅଧିକ ସୁନା ଅଳଙ୍କାର, ୧କେଜି ୭ଶହ ଗ୍ରାମର ରୂପା ଅଳଂକାର, ନଗଦ ଦୁଇ ଲକ୍ଷ ଟଙ୍କା, ଏକ ସ୍କୁଟି ଓ ଲୁଟ ଡକାୟତି ପାଇଁ ବ୍ୟବହୃତ ହାତ ହତିଆର ଜବତ ହୋଇଛି । ଏଥିସହ ୩ ଲକ୍ଷରୁ ଅଧିକ ଟଙ୍କା ଥିବା ଏକ ବ୍ୟାଙ୍କ ଏକାଉଣ୍ଟକୁ ମଧ୍ୟ ସିଜ୍ କରାଯାଇଥିବା ବଲାଙ୍ଗିର ଏସପି ଋଷିକେଶ ଖିଲାରି କହିଛନ୍ତି। ତେବେ ୧୬ଟି ଲୁଟ ଓ ଡକାୟତି ମାମଲାରେ ଏମାନେ ସଂପୃକ୍ତ ଥିବା କହିଛନ୍ତି ଏସ୍ପି ।