ରାହୁଲ ଗାନ୍ଧୀ ଚାହିଁଲେ ବି ବୀର ସାବରକର ହୋଇପାରିବେ ନାହିଁ: ଅନୁରାଗ ଠାକୁର
ନୂଆଦିଲ୍ଲୀ (ବଡ଼ ଖବର ବ୍ୟୁରୋ): କଂଗ୍ରେସ ନେତା ରାହୁଲ ଗାନ୍ଧିଙ୍କୁ ଟାର୍ଗେଟ କଲେ କେନ୍ଦ୍ର ମନ୍ତ୍ରୀ ଅନୁରାଗ ଠାକୁର । କହିଛନ୍ତି ରାହୁଲ ଗାନ୍ଧୀ ଚାହିଁଲେ ବି ବୀର ସାବରକର ହୋଇପାରିବେ ନାହିଁ। କାରଣ ଏଥିପାଇଁ ଦେଶ ପ୍ରତି ନିଷ୍ଠା, ପ୍ରେମ, ନିଶ୍ୱାର୍ଥପରତା ରହିବା ଆବଶ୍ୟକ। ନିକଟରେ ରାହୁଲ ଗାନ୍ଧୀ ବୀର ସାବରକରଙ୍କ ସହ ନିଜକୁ ତୁଳନା କରିଥିଲେ ।
ଯାହାକୁ ନେଇ ଅନୁରାଗ ଠାକୁର ସମାଲୋଚନା କରି କହିଛନ୍ତି । ସେ ଆହୁରି ମଧ୍ୟ କହିଛନ୍ତି, ସାବରକର ଗୋଟିଏ ବର୍ଷରେ ୬ ମାସ ବିଦେଶ ଯାତ୍ରା କରିନଥିଲେ କିମ୍ବା ସେ ନିଜ ଦେଶ ପାଇଁ ବିଦେଶୀମାନଙ୍କ ସାହାଯ୍ୟ ମାଗିନଥିଲେ। ଭାରତ ମାତାକୁ ଦାସତ୍ୱରୁ ମୁକ୍ତ କରିବା ପାଇଁ ଏକ ଆନ୍ଦୋଳନ ଆରମ୍ଭ କରିଥିବାରୁ ସାବରକର ବ୍ରିଟେନ ଯାଇଥିଲେ।