ମୁମ୍ବାଇ(ବଡ଼ ଖବର ବ୍ୟୁରୋ): ଆର୍ୟନକୁ ମିଳିଲାନି ଜାମିନ । ଡ୍ରଗ୍ସ ମାମଲାରେ ଛନ୍ଦି ହୋଇଥିବା ଆର୍ୟନ ଖାନଙ୍କ ବଢିଲା ଅଡ଼ୁଆ । ସେପଟେ ଆର୍ୟ୍ୟନ ସମେତ ଗିରଫ ହୋଇଥିବା ୮ ଜଣଙ୍କ ଜାମିନ ଶୁଣାଣି ଆସନ୍ତାକାଲିକୁ ଘୁଞ୍ଚାଇଛନ୍ତି କୋର୍ଟ । ଜାମିନ ନାମଞ୍ଜୁର ହେବା ଫଳରେ ଆର୍ୟ୍ୟନ ସମେତ ୮ ଜଣ ଅଭିଯୁକ୍ତଙ୍କୁ ବିଚାର ବିଭାଗୀୟ ହାଜତକୁ ପଠାଇ ଦିଆଯାଇଛି । ତେବେ ସେମାନଙ୍କୁ ଏନ୍ସିବି ହେପାଜତକୁ ପଠାଯିବ ନାହିଁ ବୋଲି କହିଛନ୍ତି କୋର୍ଟ ।
ପୂର୍ବରୁ ଆର୍ୟ୍ନ୍ ସମେତ ଅନ୍ୟ ଅଭିଯୁକ୍ତଙ୍କୁ ରିମାଣ୍ଡରେ ଆଣି ମାରାଥନ୍ ଜେରା କରିଥିଲା ଏନ୍ସିବି । ବର୍ତ୍ତମାନ ରିମାଣ୍ଡ ଅବଧି ଶେଷ ହେବାପରେ ଆସନ୍ତା ୧୧ ତାରିଖ ଯାଏଁ ପୁଣି ରିମାଣ୍ଡରେ ନେବାକୁ ଏନ୍ସିବି ଆବେଦନ କରିଥିଲା । ଏହାର ଶୁଣାଣିକରି ଅଭିଯୁକ୍ତଙ୍କୁ ପୁଣିଥରେ ରିମାଣ୍ଡ ବଦଳରେ ବିଚାର ବିଭାଗୀୟ ହାଜତକୁ ପଠାଇଛନ୍ତି କୋର୍ଟ । ଆସନ୍ତାକାଲି ବେଲ୍ ନେଇ ପରବର୍ତ୍ତୀ ଶୁଣାଣି ହେବ ।
